Þrír menn hafa verið sakfelldir fyrir eitt grófasta og ógeðslegasta kynferðisbrot sem komið hefur fyrir breska dómstóla á síðari árum.
Mennirnir, sem allir eru Slóvakar, rændu 12 ára stúlku af bílastæði Asda verslunar í Dover þann 11. ágúst 2024 og héldu henni í þrjá daga þar sem henni var nauðgað ítrekað og beitt ólýsanlegum líkamlegum og andlegum pyningum sem Nútíminn treystir sér ekki til að hafa eftir hér.
Kevin Horvath (26), Ivan Turtak (38) og Ernest Gunar Junior (27) fundu stúlkuna eina á ferð og plötuðu hana upp í bifreið sína.
Þar hófst martröðin og var enni ekið fyrst í íbúð Turtaks í Dover og síðar í hjólhýsi Gunars þar sem hhenni var haldið.
Þar var henni nauðgað ítrekað, beitt grimmilegu líkamlegu ofbeldi, fjölskyldu hennar hótað skyldi hún kjafta frá ásamt öðru andlegu ofbeldi.
Neyddu kristal meth og amfetamín ofan í hana
Á meðan á fangelsuninni stóð byrluðu mennirnir stúlkunni ýmis eiturlyf, tóku hana með sér út á meðal fólks og hótuðu að drepa hana ef hún reyndi að flýja eða segja einhvern frá.
Þeir tóku einnig mynd af henni nakinni í baðkari, og einn þeirra tók upp myndband af henni í annarlegu ástandi.
Tilgangur þess er talinn vera að draga úr trúverðugleika hennar skyldi hún kjafta frá en mörg fordæmi eru fyrir því að barnungar stúlkur séu ekki teknar alvarlega af yfirböldum í Englandi hafi þær verið undir áhrifum einhverra efna þegar þær urðu fyrir mistnotkun.
Þegar henni loksins tókst að flýja þann 13. ágúst, hafði hún ekki sofiðð í þrjá daga og var illa farin bæði andlega og líkamlega.
Lögreglan í Dover fann hana skelfda, vankaða og alla úti í marblettum.
Sími hennar fannst síðar í bíl Horvaths.
DNA lífsssýni allra þriggja mannanna fundust á og í líkama stúlkunnar og á fötum hennar.
„Fóru með hana á ómanneskjulegan hátt“
Saksóknari málsins lýsti því fyrir réttinum hvernig stúlkan hefði verið „misnotuð, misþyrmt og farið með hana eins og rusl“.
Hún bætti við:
„Hún var ekki manneskja fyrir þeim heldur meira eins og ílát fyrir þeirra brengluðu útrás. Hegðun þeirra var svo viðbjóðsleg að hún getur varla talist mannleg.“
Bar vitni fyrir dómi
Stúlkan bar vitni fyrir dómi en hana má ekki nafngreina sökum aldurs.
Þar lýsti hún þessari skelfilegu upplifun:
„Ég vildi ekki að þeir myndu meiða mig. Þeir sögðu að ef ég reyndi að fá hjálp myndu þeir meiða mig.“
Rannsóknarlögreglumað sem tók viðtöl við barnið, sagði: „Hún var mjög hrædd, hikandi og algjörlega niðurbrotin. Þetta var greinilega barn sem hafði lent í hræðilegum raunum.“
„Hún vaknar öskrandi á næturnar“
Foreldrar stúlkunnar lýstu því í viðtali eftir dóminn hvernig barnið þeirra hefði gjörbreyst í kjölfar misnotkunarinnar.
„Hún vill ekki fara út. Hún sefur í herberginu okkar og vaknar öskrandi á næturnar,“ sagði móðir hennar.
„Hún sagði mér að hún vildi deyja.“
Faðirinn bætti við: „Við leyfðum henni aldrei að vera mikið ein úti. Hún fór bara með vinkonum sínum og við sóttum hana alltaf. Þetta hefði getað komið fyrir hvern sem er.“
Þrír staðir – þrír dagar – endalaus niðurlæging
Mennirnir reyndu að afsaka gjörðir sínar. Turtak sagði að hann hafi haldið að hún væri 20 ára.
Horvath sagði að hún hefði litið út fyrir að vera „fullvaxin kona“.
Verjendur sögðu að hún hefði sjálf afklæðst og gefið „merki“ um samþykki, sem hún neitaði alfarið og sagði rangt.
Kviðdómurinn hafnaði vörnum þeirra enda bar hún líkamlegi merki þess að hafa orðið fyrir hræðilegu ofbeldi.
Mennirnir sakfelldir
Stúlkan þurfti að gangast undir ítarlegar læknisskoðanir, ekki fara í bað eða þvo sér í nokkra daga svo hægt væri að fá sem best sönnunargögn.
Hún þurfti að hefja lyfjameðferð gegn HIV og lifrarbólgu og gangast undir blóðprufur.
Allir mennirnir voru dæmdir sekir og verður refsing þeirra ákveðin þann 12. september.
Lögmenn telja líklegt að dómarnir verði þungir.