Vance Luther Boelter er grunaður um að hafa myrt þingkonuna Melissau Hortman og eiginmann hennar Mark á heimili þeirra í úthverfi Minneapolis síðastliðinn laugardag.
Einnig er hann grunaður um að særa öldungadeildarþingmanninn John Hoffman og eiginkonu hans alvarlega í annarri árás.
Öll fórnarlömbin eru í Demókrataflokknum.
Skipaður í pólitískar stöður af Demókrötum
Boelter hafði áður verið skipaður í atvinnuþróunarráð ríkisins bæði af Mark Dayton og Tim Walz, sem báðir eru demókratar.
Árið 2019 var hann skipaður sem fulltrúi atvinnulífsins af Walz, sem gegndi á þeim tíma embætti ríkisstjóra og var seinna valinn sem varaforsetaefni Demókrata undir Kamölu Harris í forsetakosningunum 2024.
70 á lista yfir skotmörk
Lögregla fann lista yfir allt að 70 nafngreinda einstaklinga í bíl Boelters, þar á meðal þingmenn Demókrata og heilbrigðisstarfsfólk sem framkvæmir þungunarrof.
Þar á meðal þingkonuna Kelly Morrison og öldungadeildarþingkonuna Tinu Smith.
Einnig fundust bæklingar með slagorðinu „No Kings“ í bíl hans, sem hefur verið tengt róttækum hópum sem berjast gegn Trump stjórninni.
Skipaður af þeim sem nú þverneita fyrir tengsl
Skrifstofa Tim Walz staðfesti að Boelter hefði verið skipaður í nefndina af ríkisstjóranum árið 2019, en vill meina að að Walz hafi ekki þekkt hann persónulega.
Boelter var handtekinn í nótt eftir einhverja stærstu og fjölmennustu leitaraðgerðir í manna minnum.