Þennan leikara þekkja flestir, enda er hann einn af stærstu stjörnum okkar tíma. Hann er 53 ára og þessar myndir náðust af honum á dögunum þar sem hann var að leika í spennumynd.
Leikarinn hefur verið tilnefndur til Óskarsverðlauna og klæðist á þessum myndum fötum sem virðast vera frá sjötta áratug síðustu aldar.
Eruð þið búin að fatta hver þetta er?
Þetta er Mark Wahlberg (53) en það er alls ekki auðvelt að þekkja hann. Hann er væntanlega með hárkollu og svo er búið að breyta nefinu á honum á einhvern hátt.
Mark er þarna að leika í mynd um leyniskyttu í mafíunni og ber myndin nafnið By Any Means. Myndin fjallar um fyrrnefnda leyniskyttu og ungan fulltrúa í FBI sem snúa bökum saman við að rannsaka morð á leiðtogum í baráttu fyrir borgaralegum réttindum í Mississippi árið 1966.
