Sérfræðingar hjá Cybernews, undir forystu Viliusar Petkauskas, hafa opinberað stærstu gagnalekaslys sögunnar þar sem 16 milljarðar lykilorða og aðgangsupplýsinga frá helstu netþjónustum heims hafa lekið út.
Gögnin, sem meðal annars eru frá Apple, Google, Facebook, Telegram og GitHub, eru talin stafa af röð svokallaðra infosteale árása, sem safna hljóðlega upplýsingum frá tækjum sem eru sýkt af vírusum.
Uppruni gagnanna
Lið Cybernews fann alls 30 aðskilda gagnapakka (data dumps), þar sem hver pakki innihélt allt frá tugum milljóna upp í yfir 3,5 milljarða skráninga.
Í samtali við Forbes segir Petkauskas að um sé að ræða ný gögn, ekki eldri leka.
Gögnin eru skipulögð í einfaldri röð: vefslóð, notandanafn og lykilorð.
„Þetta er ekki bara gagnaleki, þetta er uppskrift að fjöldasvikum,“ segja rannsakendur og vara sérstaklega við netsvikum og þjófnaði aðganga á samfélagsmiðlum í kjölfar lekains.
Hvaða þjónustur urðu fyrir þjófnaði?
Leki nær yfir aðgangsupplýsingar að samfélagsmiðlum, VPN-kerfum, netpósti og jafnvel ríkisþjónustum. Meðal þeirra sem urðu fyrir árásinni eru:
- Apple
- Telegram
- GitHub
- Ýmsar vefgáttir ríkisvaldsins
Hvað á fólk að gera?
Darren Guccione, forstjóri og stofnandi Keeper Security, segir að notendur þurfi að grípa til sérstakra öryggisráðstafana:
- Nota örugg og einstök lykilorð
- Virkja tveggja þátta auðkenningu
- Nota lykilorðastjóra
- Fylgjast með hvort gögn þeirra séu komin á vefinn