Fjölskyldu- og húsdýragarðurinn opnar aftur í næstu viku, fimmtudaginn 28.maí, en hann hefur verið lokaður frá 24. mars. Þá verða leiktækin sett í gang þriðjudaginn 2.júní.
Í tilkynningu frá garðinum eru gestir beðnir um að halda fjarlægð frá öðrum gestum, bæði utan og innandyra, og virða þær takmarkanir sem í gildi eru.
Þar kemur einnig fram að gildistími árskorta framlengist um þann tíma sem garðurinn hefur verið lokaður vegna Covid eða frá og með 24.mars til 28.maí.