Tónlistarkonan Leeni Laasfeld, sem gengur einnig undir listamannanafninu Possimiste, gefur í dag út plötuna Youniverse.
Í samtali við Grapevine segist Leeni finna innblástur sinn í sýnum og draumum.
„Mér líður oftast eins og ég sé ekki frá þessari veröld, mér finnst ég aldrei 100% heima.“
Hún segir að sitt „alter ego“, Possimiste, sé frá stjörnukerfinu Síríus en það er einmitt nafnið á fyrsta laginu á plötunni og hennar uppáhalds lag.