Uppistandarinn Bandaríski Bill Burr hefur verið með nokkrar sýningar hér á landi, nú síðast í apríl á þessu ári.
Hann var gestur Jimmy Kimmel í gærkvöldi og sagði sögur af Íslandsdvöl sinni. Sagðist hann hafa dvalið í viku á Íslandi með fjölskyldu sinni. Þetta kom fram á vef Vísis.
Hann hafi verið staddur á Arnarhóli að reykja vindil þegar það kom að honum kona sem bað hann um að ýta sér niður hólinn.
„Ég var bara að reykja vindil á einhverjum hóli þar sem er stytta af einhverjum dauðum manni. Þá kemur til mín kona sem biður mig allt í einu um að ýta sér niður brekkuna. Ég hélt að þetta væri falin myndavél. En svo kom í ljós að hún vildi bara að ég myndi rúlla henni niður brekkuna,“ segir Burr sem endaði með því að ýta konunni niður brekkuna.