Leikarinn Jóhannes Haukur hefur verið ráðinn í hlutverk í vísindaskáldsögutryllinum Infinite ásamt stórleikaranum Mark Wahlberg.
Infinite er byggð á skáldsögunni The Reincarnationist Paperseftir D. Eric Mainkranz og segir myndin frá manni sem er ásóttur af eigin fortíð sem hann á erfitt með að muna til fulls. Eftir að hafa uppgötvað aldagamalt samfélag vill Evan verða hluti af því. En í þessu samfélagi hafa menn aðgang að minningum úr fyrri lífum og mun Evan hafa ófyrirsjáanlegar afleiðingar á framvindu samfélagsins.
Wahlberg fer með aðalhlutverkið í Infinite en myndinni er leikstýrt af Antoine Fuqua sem leikstýrði meðal annars myndinni Training Day og The Equalizer myndunum.
Myndin er væntanleg í kvikmyndahús næsta haust.