Myndband af hinni 24 ára gömlu Kötlu Tómasdóttur hefur farið eins og eldur um sinu á Internetinu undanfarna daga.
Myndbandið sýnir Kötlu og vinkonu hennar keppast um það hvor þeirra nái að hanga lengur á handriði um borð í neðanjarðarlest í Kaupmannahöfn. Það fer ekki betur en svo að Katla missir takið og dettur aftur fyrir sig en hurðin er opin svo hún endar á lestarpallinum. Hurðin lokast og Katla situr eftir og hlær, enda sprenghlægilegt atvik.
Myndbandið hefur farið eins og eldur um sinu á samfélagsmiðlum á borð við Instagram og Reddit. Einnig var umfjöllun um það á vef Daily Mail.
Hér fyrir neðan má sjá myndbandið umrædda.