Mikið hefur verið fjallað um mál leikarans Atla Rafns í fjölmiðlum síðustu daga. Fjallaði Nútíminn meðal annars um málið í gær: Mál Atla Rafns tekið fyrir í Héraðsdómi í dag.
En þann 16. desember árið 2017 var var Atli boðaður á fund hjá Kristínu,leikhússtjóra, þar sem honum var sagt upp störfum. Ástæðan var sögð vera alvarlegar ásakanir um áreitni og ofbeldi af hans hálfu í garð samstarfsfólks.
Síðan þá hefur Atli Rafn mótmælt því harðlega að hann hafi ekki fengið upplýsingar um hver setti ásakanirnar fram, hve margar þær voru eða nánari lýsingu á atvikunum og hefur Kristín borið við trúnaði við þá einstaklinga sem tilkynntu atvikin.
Atli Rafn kannaðist við sig í einni af sögunum í reynslusögum sem komu fram undir merkjunum, Tjaldið fellur, en um var að ræða reynslusögur kvenna úr sviðslistaheiminum. Atli heldur því fram að þetta sé lygasaga.
En þar segir ung stúlka frá reynslu sinni sem aukaleikkona í tökum á bíómynd. Segir hún að áfengi hafi farið um hönd og að aðalleikarinn hafi verið orðinn fullur og áreitt hana. Á leikstjórinn ásamt 40 manna tökuliði að hafa látið þetta viðgangast.
Umræddur leikstjóri er Ari Alexander og segir hann þetta vera lygi. Hann segir að stúlkan hafi verið mjög hress, gantast á settinu, hlegið og fólk hlegið með. Engum hafi liðið illa.
„Heldurðu að það viðgangist á setti að það sé brotið á einhverri ungri stúlku og allir fari að hlæja? Nei, það sé ekki svoleiðis.“
Ari fullyrðir að allir á settinu séu ósáttir með það sem hann kallar lygasögu ungu stúlkunnar. Hann segir ekkert óeðlilegt hafa gerst á settinu og þar séu allar upptökur til sem sýni það.
Hann segir að hann hyggist stefna ungu leikkonunni fyrir frásögn hennar, meiðyrði og rógburð.
Meira má lesa um þetta á vef Vísis.