Í tilkynningu frá Stjórnarráði Íslands kemur fram að heilbrigðisráðherra hafi fallist á tillögu sóttvarnalæknis um að loka skemmtistöum og krám höfuðborgarsvæðisins dagana 18.- 21. september. Hefur reglugerðin nú þegar tekið gildi.
Er þetta liður í því að sporna gegn útbreiðslu COVID-19.
„Í minnisblaði sóttvarnalæknis segir að á þremur sólarhringum þar sem greindust alls 38 smit hafi a.m.k. fjórðungur þeirra tengst heimsókn á ákveðnar krár og skemmtistaði í Reykjavík fyrir rúmri viku. Bregðast þurfi við sem fyrst með markvissum aðgerðum til að koma í veg fyrir útbreiddan faraldur með tilheyrandi afleiðingum segir í minnisblaðinu.“
Lokunin nær til kráa og skemmtistaða í Reykjavík, Mosfellsbæ, Hafnarfirði, Garðabæ, Kópavogi, Kjósarhreppi og á Seltjarnarnesi.
Hér má finna reglugerðina.