Í nýrri könnun MMR mælist Miðflokkurinn með næst mest fylgi stjórnmálaflokka á Alþingi með 14,8 prósent. Sjálfstæðisflokkurinn mældist með mest fylgi, 19,8 prósent.
Stuðningur við ríkisstjórnina mældist 42,0 prósent. Fylgi Vinstri-grænna minnkaði um tvö og hálf prósentustig frá síðustu mælingu.
Fylgi Pírata minnkaði um rúmlega þrjú og hálft prósentustig. Fylgi Samfylkingarinnar mældist nú 14,1 prósent og mældist 14,8 prósent í síðustu könnun. Þá mældist fylgi Viðreisnar nú 11,0 prósent og mældist 10,2 prósent í síðustu könnun.