Gunnar Nelson stendur uppi mótherjalaus fyrir UFC bardagakvöldið í Kaupmannahöfn í lok september.
Andstæðingur hans, Thiago Alves þurfti að hætta við bardagann vegna nýrnasteina og verður frá æfingum út þennan mánuð.
Bardaginn átti að vera einn af aðalbardögum kvöldsins í Kaupmannahöfn 28.september næstkomandi. Gert er ráð fyrir að forráðamenn UFC þurfi að hafa hraðar hendur við að finna nýjan andstæðing fyrir Gunnar ef úr bardaganum á að verða. Þetta kom fram á vef Vísis.