Ný deilihjólaleiga opnar í Reykjavík og mun leigan opna yfir 40 stöðvar víðsvegar um borgina þar sem notendur geta sótt eða skilað hjólunum. Þetta kom fram á vef Kjarnans í dag.
Hægt verður að fá hjól í áskrift á 3500 krónur á mánuði og ársáskrift fyrir 30 þúsund krónur. Með appi í símanum getur maður séð hvort og hvar laus hjól sé að finna.
Hundrað hjól verða í boði til að byrja með og standa til boða að kostnaðarlausu fyrstu vikuna. Deilihjólaleigan er rekin undir merkjum Donkey Republic sem býður hjól í mörgum borgum en kerfið á Íslandi er rekið af fyrirtækinu Framúrskarandi ehf. samkvæmt þjónustusamningi við borgina.
Borgarstjórinn í Reykjavík prófaði eitt af fyrstu hjólunum.