Þau Ágústa Eva Erlendsdóttur og Gunnar Hilmarsson, skipa dúettinn Sycamore Tree. Þau hafa nú gefið út nýtt lag sem nefnist FIRE.
„Lagið FIRE er fyrsta lagið sem við sendum frá okkur af okkar annarri plötu sem kemur út á næsta ári. Það er því mikill spenna hjá okkur enda mikil vinna að baki albúminu,“ segir Gunni í samtali við Mbl.
Lagið fjallar um brennandi ástarloga, sambönd sem brenna upp í ástareldi. Sum sambönd lifa það af, önnur ekki.
Hægt er að hlusta á lagið í spilaranum hér fyrir neðan.