Tilkynning um líkamsárás og rán í Skeifunni barst lögreglunni á Höfuðborgarsvæðinu skömmu eftir miðnætti.
Sjúkralið fór á vettvang þar sem ungur maður var með áverka í andliti. Hann var fluttur til aðhlynningar á bráðadeild. Mennirnir, sem voru að sögn þrír, höfðu rænt síma og greiðslukorti mannsins og farið strax af vettvangi. Málið er í rannsókn.
Þá var tilkynnt um mikinn tónlistarhávaða við Ingólfstorg um kvöldmatarleytið. Um var að ræða mann á reiðhjóli með stórt hátalarabox.
„Maðurinn var í annarlegu ástandi og fór að berja rúður á veitingastað eftir að lögregla hafði haft af honum afskipti. Maðurinn er einnig grunaður um hótanir og var hann handtekinn sökum ástands og vistaður í fangageymslu lögreglu,“ segir í tilkynningu frá lögreglu.