Andlát varð á sjöunda tímanum í gær í baðlóninu Sky Lagoon í Kópavogi. Andlátið er nú til skoðunar hjá rannsóknardeild lögreglunnar á höfuðborgarsvæðinu. Þetta kemur fram á vísir.is
Yfirmaður miðlægrar rannsóknardeildar lögreglu höfuðborgarsvæðisins, Grímur Grímsson, staðfestir í samtali við fréttastofu vísis að verið sé að rannsaka andlátið en tekur fram að ekki sé grunur um refsiverða háttsemi.
Frekari tilkynning um málið er væntanleg frá lögreglu í dag.