Hinn heimsþekktu samvöxnu tvíburar, Abby og Brittany Hensel, hafa nú vakið athygli að nýju eftir að þær sáust með nýfætt barn í bílstól í Minnesota í vikunni.
Vitni sáu þær leggja barnið varlega í aftursæti svarts Tesla-bíls á bílastæði í Arden Hills, skammt frá Minneapolis. Ekki liggur fyrir hvort barnið sé þeirra eigið, en málið hefur kveikt miklar getgátur um einkalíf systra sem lengi hafa verið í sviðsljósinu. DailyMail greinir frá þessu.
Leynt brúðkaup og stjúpmóðurhlutverk
Fyrr á árinu komst í hámæli að Abby giftist bandaríska hermanninum Joshua Bowling árið 2021. Hjónabandið var þó haldið leyndu þar til Today.com fékk í hendur hjúskaparvottorð þeirra. Í ljós kom að Abby er einnig stjúpmóðir dóttur Bowling úr fyrra sambandi, að því er TMZ greinir frá.
Í sviðsljósinu frá unga aldri
Abby og Brittany, sem eru 34 ára, eru svokallaðir dicephalic tvíburar – þær hafa tvö höfuð en deila sama líkama. Abby stjórnar hægri hliðinni en Brittany þeirri vinstri. Þær urðu heimsfrægar þegar þær komu fram í Oprah-þættinum árið 1996 og prýddu síðar forsíðu LIFE-tímaritsins. Síðar fengu þær eigin sjónvarpsþætti á TLC sem fylgdu þeim í gegnum háskólagöngu og ferðalög um Evrópu.
Svör við gagnrýni og áhuga almennings
Þrátt fyrir að hafa oft orðið fyrir fordómum hafa þær staðið keikar gegn gagnrýni. Í TikTok-myndbandi sem birtist eftir að brúðkaupið komst í hámæli skrifuðu þær: „Þetta er skilaboð til allra hatara þarna úti: Ef þér líkar ekki það sem ég geri en horfir samt á allt sem ég geri, þá ert þú ennþá aðdáandi.“
Í júní 2024 birtu þær einnig upptökur frá brúðkaupi Abby og Bowling, meðal annars fyrsta dansinn við lagið „Rolling in the Deep“.
Hver á barnið?
Systurnar hafa ekki staðfest hvort nýfædda barnið sem þær sáust með sé í raun þeirra eigið. Að svo stöddu hefur enginn fulltrúi þeirra viljað tjá sig frekar.
