Sigurður Ingi Jóhannsson, samgöngu- og sveitarstjórnarráðherra og formaður Framsóknarflokksins, er ósáttur við að vera bendlaður við Panama-skjölin í nýrri mynd Netflix sem heitir The Laundromat.
Myndin, sem kom út um helgina, skartar Meryl Streep í aðalhlutverki. Í myndinni leikur hún konu sem flækist inn í vafasöm mál lögmannsstofunnar Mossack Fonsack. Myndin fjallar um það sem gerist í kjölfar Panama-lekans en eins og margir muna var Sigmundur Davíð Gunnlaugsson, þáverandi forsætisráðherra og formaður Framsóknarflokksins, í skjölunum.
Á skjánum birtist frétt frá miðlinum Time þar sem sagt er frá því að Sigmundur Davíð Gunnlaugsson, formaður Framsóknarflokksins, hafi sagt af sér embætti forsætisráðherra Íslands eftir að hafa verið afhjúpaður í lekanum. Fyrirsögn fréttarinnar vísar í það að Sigurður Ingi hafi tekið við og mynd af honum birtist með fréttinni.
Í færslu sem Sigurður Ingi skrifar á Facebook síðu sína í dag, segir hann að undanfarið hafi rignt yfir hann skeytum og símtölum með ábendingum um myndina.
Hér fyrir neðan má sjá færslu Sigurðar í heild sinni ásamt skjáskoti úr myndinni.