Sjáðu fyrstu stikluna úr nýju Klovn kvikmyndinni!

Fyrsta stiklan fyrir nýja Klovn kvikmynd var frumsýnd í dag. Í henni eru félagarnir Frank og Casper á leiðinni í flug til Íslands og lenda auðvitað í vandræðalegri uppákomu, eins og þeim einum er lagið.

Myndin er sú þriðja í röðinni og jafnfram sú síðasta en hún ber nafnið Klovn The Final. Myndirnar eru byggðar á Klovn sjónvarpsþáttunum sem flestir ættu að kannast við en þeir hafa notið gríðarmikilla vinsælda í Danmörku og víðar.

Myndin fjallar að stóru leyti um fimmtugsafmæli Franks og verður hjónabandið og ástin í brennidepli.