today-is-a-good-day

Stúlka lokkuð upp á loft í Austurbæjarskóla

Karlmaður fór inn í Austurbæjarskóla fyrr í þessum mánuði og lokkaði 9 ára stúlku afsíðis þar sem hann hafði uppi kyn­ferðis­lega til­b­urði.

Maðurinn hafði verið að ráfa um skólann í um klukkustund og starfsfólk tekið eftir honum. Sagðist maðurinn vera að leita að frænda sínum. Hann rakst á stúlkuna og tókst að lokka hana með sér á þriðju hæð hússins. Þegar þangað var komið kraup hann niður fyr­ir fram­an stúlk­una og þuklaði á rassi henn­ar og kyn­fær­um utan­k­læða.

Stúlkunni tókst að losa sig frá manninum og hlaupa niður þar sem hún lét starfsfólk vita af því hvað hefði gerst en manninum tókst að stinga af á meðan verið var að hringja á lögreglu. Starfs­fólk skól­ans gat borið kennsl á mann­inn sem er fyrr­ver­andi nem­andi skól­ans og var hann handtekinn nokkrum dögum seinna eftir að lögreglan hafði upp á honum.

„Í kjöl­far at­viks­ins í dag verður starfs­fólk enn bet­ur á verði fyr­ir ut­anaðkom­andi ein­stak­ling­um en áður auk þess sem þetta at­vik gef­ur til­efni til að end­ur­skoða eft­ir­lit við alla inn­ganga í skól­ann,“ seg­ir í tölvu­póst­i sem skólastjóri sendi á foreldra barna skólans eftir atvikið.

Ævar Pálmi Pálma­son, lög­reglu­full­trúi í kyn­ferðis­brota­deild lög­regl­unn­ar á höfuðborg­ar­svæðinu, staðfest­ir að málið sé til rann­sókn­ar hjá embætt­inu. „Enn hef­ur ekki verið gef­in út ákæra, en rann­sókn­in er á loka­stigi,“ seg­ir Ævar. „Það hef­ur verið tek­in skýrsla af öll­um sem við koma mál­inu.“

Spurður hvort viðkom­andi ein­stak­ling­ur hafi áður komið við sögu lög­reglu vegna kyn­ferðis­brota seg­ist hann ekki geta tjáð sig um það.  Þetta kom fram á vef Mbl.

Auglýsing

læk

Instagram