Ásdís Halla Bragadóttir er fyrsti gestur Loga í nýjustu þáttaröð hans, Með Loga, sem sýndir eru í Sjónvarpi Símans.
Í þættinum lýsir hún heimkomu úr vinnuferð í útlöndum þegar hún starfaði sem blaðamaður á Morgunblaðinu. En fíkniefnalögreglan tók hana afsíðis og upplifði hún mjög mikla niðurlægingu og óöryggi í því að vera ekki trúað.
„Ég upplifði mjög mikla niðurlægingu og ég upplifði óöryggið í því að vera ekki trúað. Óöryggið í því að kerfið gengur út frá því að mér sé ekki treystandi og ég sé örugglega fíkniefnainnflytjandi. Og þau horfðu þannig á mig að það skipti engu máli hvað ég sagði. Þau voru algjörlega ákveðin í því að þau væru búin að finna næsta fjölskyldumeðliminn sem væri í ruglinu.“