Tónlistarmaðurinn Auður hefur vakið mikla athygli eftir að hann gaf út plötuna Afsakanir. Platan hlaut mikið lof gagnrýnenda og hefur hún halað inn fjöldanum öllum af hlustunum á þessu ári síðan hún kom út.
Hann rifjaði upp síðastliðið ár á samfélagsmiðlinum Instagram í dag.
„Í dag er eitt ár síðan platan mín Afsakanir kom út. Finnst bæði eins og allt og ekkert hafi breyst – næ ekki að orða þetta betur en svo. Finn fyrir skrítinni blöndu tilfinninga þegar ég lít til baka. Stoltur, meyr, spenntur, hræddur, þakklátur. Barónsstígur tengir saman fjórar ólíkar byggingar. Nýja heimilið mitt á Leifsgötu, Sundhöllina, hljóðverið mitt á Hverfisgötu og Geðdeild Landspítalans. Þessi rými hafa reynst mér mikilvæg skjól og griðarstaðir hvert á sinn hátt. Tók þessa mynd í dag sem lítinn ritúal. Þakklátur öllum þeim sem hafa stutt við bakið á mér. Takk fyrir stuðninginn.“