Fimmtán manns var í dag sagt upp hjá Árvakri, útgáfufélagi Morgunblaðsins. Samkvæmt heimildum Fréttablaðsins dreifðust uppsagnir á allar miðla útgáfunnar. Starfsmönnum var tilkynnt um uppsagnir á fundi nú í morgun.
Guðmundur Sv Hermannsson, fréttastjóri hjá Morgunblaðinu, staðfestir uppsagnirnar hjá fyrirtækinu í dag í samtali við Fréttablaðið. Hann segir að uppsagnir hafi dreifst á margar deildir fyritækisins og fleiri en blaðamönnum hafi verið sagt upp.
Alls starfa í kringum 300 manns hjá fyrirtækinu.