Bandarísk stjórnvöld, undir forystu Joe Biden forseta, höfðu opinberlega hafnað því að viðurkenna Nicolás Maduro sem lögmætan þjóðarleiðtoga Venesúela.
Þetta var staðfest í janúar 2025, þegar Maduro sór embættiseið fyrir þriðja kjörtímabil sitt, þrátt fyrir víðtækar efasemdir um lögmæti forsetakosninganna í landinu.
Í yfirlýsingum bandarískra stjórnvalda kom fram að þau telji kosningarnar ekki hafa verið frjálsar né sanngjarnar.
Biden stjórnin hafði ítrekað bent á að Maduro hafi ekki lagt fram haldbær gögn um sigur sinn í kosningunum, á meðan helsti mótframbjóðandi hans, Edmundo González, hafi birt þúsundir atkvæðayfirlita (tally sheets) sem sögð eru hafa sýnt að kosningatölurnar pössuðu ekki.
Bandaríkin höfðu því lýst González sem hugsanlega réttkjörinn forseta Venesúela og hvatt Maduro til að víkja úr embætti þar til búið væri að rannsaka kosningarnar.
Þessi niðurstaða var í takt við afstöðu fjölda annarra ríkja sem einnig neituðu að viðurkenna Maduro sem lögmætan forseta eftir kosningarnar.
Verðlaun fyrir handtöku 25 milljónir dollara
Samhliða þessari afstöðu til kosninganna tilkynnti Biden stjórnin í janúar 2025 að hún hefði hækkað fjárhæð fyrir upplýsingar sem myndu leiða til handtöku Maduro.
Upphæðin var hækkuð úr 15 milljónum dollara í 25 milljónir dollara.
Í opinberum skýringum bandarískra stjórnvalda kom fram að þessi ákvörðun hafi verið hluti af viðbrögðum við því að Maduro hafi tekið við embætti þrátt fyrir að Bandaríkin viðurkenni hann ekki sem réttmætan forseta landsins.
Jafnframt var ítrekað að Maduro stæði frammi fyrir alvarlegum sakargiftum í Bandaríkjunum.
🙄 WELL WELL WELL …. WHAT DO WE HAVE HERE????
🧠 LIBERALS HAVE BRAIN DAMAGE pic.twitter.com/RAf68GNjuJ
— Maddie Evans (@EstieMaddie) January 4, 2026
Lögmæti aðgerða Bandaríkjanna?
Afstaða Bandaríkjanna til Nicolás Maduro skiptir máli í lagalegu samhengi.
Þáverandi bandaríkjastjórn, í forsetatíð Joe Biden, lýsti því yfir að hún viðurkenndi Maduro ekki sem lögmætan þjóðarleiðtoga Venesúela.
Sú afstaða hefur þau áhrif að bandarísk stjórnvöld telja hann ekki njóta þeirrar friðhelgi sem þjóðhöfðingjar njóta, samkvæmt bandarískum lögum.
Þar að auki var Maduro ákærður í bandarískum alríkisdómstólum og var formlega eftirlýstur af bandarískum yfirvöldum.
Samkvæmt túlkun bandarískra stjórnvalda getur þessi staða skapað lagalegan grundvöll samkvæmt bandarískum lögum til að handtaka hann svo hann þurfi að svara til saka, jafnvel utan landamæra Bandaríkjanna.
Sú túlkun er þó umdeild á alþjóðavettvangi, þar sem margir telja að slík aðgerð brjóti gegn fullveldi ríkja og alþjóðlegum reglum, óháð því hvernig bandarísk lög eru túlkuð.
Aðgerðin gæti því talist lögmæt samkvæmt bandarískum lögum en ólögleg samkvæmt alþjóðalögum.