Bandaríska dómsmálaráðuneytið hefur staðfest að verið sé að undirbúa ákærur gegn fjölmiðlamanninum og fyrrverandi fréttamanni CNN, Don Lemon, í tengslum við mótmæli sem trufluðu guðsþjónustu í kirkju í Minnesota um helgina.
Samkvæmt yfirlýsingum stjórnvalda verður málsóknin meðal annars byggt á svonefndum Ku Klux Klan lögum frá árinu 1871.
Sagður hafa tekið þátt í skipulögðum aðgerðum
Aðstoðardómsmálaráðherra segir Lemon hafa verið í hópi mótmælenda gegn útlendingaeftirliti Bandaríkjanna (ICE), sem gengu inn í kirkju á meðan á sunnudagsguðsþjónustu stóð.
Þar var guðsþjónustan rofin með kröfum um að alríkisyfirvöld í innflytjendamálum yfirgæfu ríkið.
Að hennar sögn liggi fyrir að Lemon hafi vitað fyrirfram hvað stæði til, þrátt fyrir að hann hafi síðar lýst sér sem blaðamanni sem væri einungis að fjalla um atburðina.
Blaðamennska veitir ekki vernd, segir ráðuneytið
Dómsmálaráðuneytið hafnar því að Lemon geti skýlt sér á bak við tjáningarfrelsi eða blaðamennsku.
Þar er bent á að lögin frá 1871 geri það refsivert að ógna, hræða eða trufla fólk sem er að nýta stjórnarskrárvarin réttindi sín, þar á meðal trúariðkun.
Lögin voru upphaflega sett til að vernda nýfrelsaða þræla gegn ofbeldi og kúgun, en hafa í seinni tíð verið notuð í ýmsum málum þar sem stjórnvöld telja að skipulagðir hópar hafi ráðist gegn réttindum borgara.
Rannsakað hverjir stóðu að mótmælunum
Samkvæmt upplýsingum dómsmálaráðuneytisins verður einnig rannsakað hverjir stóðu að skipulagningu mótmælanna og hverjir fjármögnuðu þau.
Þá verður kannað hvort notast hafi verið við póst- eða fjarskiptaþjónustu í skipulagningunni og hvort þátttakendur hafi ferðast milli ríkja, sem gæti leitt til frekari ákæruliða.
Don Lemon continuing to prove he’s an absolutely terrible human being by invading a church during worship.
The pastor handles things wonderfully.
„This is unacceptable. It’s shameful to interrupt a public gathering of Christians in worship”
— Graham Banks (@1GrahamDaily) January 19, 2026
Viðvörun til mótmælenda
Í yfirlýsingum sínum lagði aðstoðardómsmálaráðherrann áherslu á að hús þar sem trú er iðkuð nytu sérstakrar verndar samkvæmt alríkislögum og væru ekki vettvangur fyrir pólitísk mótmæli.
Hún sagði jafnframt að stjórnvöld ætluðu að beita öllum tiltækum úrræðum til að koma í veg fyrir sambærileg atvik í framtíðinni og að skilaboðin til mótmælendahreyfinga væru skýr: slíkar aðgerðir gætu haft í för með sér þungar refsingar.
Anti-ICE protesters just DISRUPTED a church service in St. Paul, Minnesota – barging into Cities Church during Sunday worship, chanting, harassing parishioners, and shutting everything down because they falsely claimed the pastor is “ICE-affiliated”!pic.twitter.com/Tke0geKvPd
— Public Exposer (@sc_exposer) January 18, 2026
Lemon neitar sök
Don Lemon hefur hafnað ásökunum um að hafa skipulagt eða tekið virkan þátt í mótmælunum.
Í myndbandi sem hann birti síðar sama dag sagði hann sig ekki hafa haft vitneskju um að mótmælendur hygðust ganga inn í kirkjuna og kvaðst einungis hafa verið á staðnum til að fylgjast með og skrásetja atburðarásina.
Málið er nú til frekari skoðunar hjá bandarískum yfirvöldum og er búist við frekari tilkynningum á næstu dögum.
Cities Church in St. Paul, Minnesota, where anti-ICE protesters stormed the sanctuary during worship, chanting accusations against the pastor as an immigration agent. This is a communist revolution. pic.twitter.com/BaVujvd8sp
— D. Scott @eclipsethis2003 (@eclipsethis2003) January 19, 2026