Fyrrum UFC meistarinn Conor McGregor olli miklu fjaðrafoki á næturklúbbi á Ibiza um helgina þegar hann réðst snögglega á annan mann og sló hann niður með tveimur höggum.
Á myndbandi sem farið hefur í dreifingu á samfélagsmiðlum má sjá McGregor í samræðum við ónefndan karlmann.
Skyndilega virðist hann reiðast, slær manninn tvisvar í andlitið og við það fellur maðurinn til jarðar.
Vitni að atvikinu segja að manninum hafi verið hent út af dyravörðum í kjölfarið, á meðan McGregor hélt áfram að skemmta sér innan dyra með félögum sínum.
Þetta er ekki í fyrsta sinn sem McGregor lendir í átökum á almannafæri.
Hann hefur áður verið kærður og sakfelldur fyrir líkamsárásir, meðal annars fyrir að kasta drykk í mann á krá í Dublin og fyrir að slá gamlan mann í andlitið árið 2019.
Shock moment Conor McGregor knocks man out with TWO punches in Ibiza nightclub pic.twitter.com/NclBkDuSGF
— The Sun (@TheSun) June 17, 2025