Dana White, forstjóri UFC, lét í sér heyra þegar ESPN birti lista yfir þær tíu konur sem hafa „rifið niður staðalímyndir og lyft kvenkyns MMA í nýjar hæðir.“
Ástæðan fyrir reiði White er sú að Gina Carano kemst ekki inn á listann.
Carano sú sem kom konum í blönduðum bardagaíþróttum á kortið
White kallaði útilokun Carano frá listanum „bilun“ og skrifaði á Instagram: „Það að Gina Carano sé ekki á listanum er GEÐVEIKi.“
Listinn innihélt nöfn eins og Ronda Rousey, Amanda Nunes, Cris Cyborg, Joanna Jędrzejczyk, og fleiri, sem eru allar stór nöfn í íþróttinni.
En White og fleiri, þar á meðal fyrrum bardagamaðurinn Josh Thomson og Gina sjálf, telja að Carano eigi fullkomlega heima á listanum.
Carano, sem hætti keppni árið 2009 með sjö sigra og eitt tap eða 7-1.
Hún var fyrsta raunverulega stórstjarnan í kvenkyns MMA og náði gífurlegum vinsældum áður en hún fór yfir í kvikmyndaiðnaðinn og reyndi fyrir sér sem leikkona.
Hún barðist aldrei í UFC, en áhrif hennar á íþróttina eru óumdeilanleg og ef ekki væri fyrir hana hefði Ronda Rousey líklega aldrei fengið tækifærið til að verða sú súperstjarna sem hún varð.
Carano sjálf ekki sátt
Carano svaraði á samfélagsmiðlum með eftirfarandi orðum:
„Eru þeir ekki með blaðamenn sem vita raunverulega sögu WMMA? Eða eru þeir að reyna að endurskrifa hana með því að sleppa mér?“
Cris Cyborg, sú eina sem sigraði Carano, sýndi henni einnig stuðning og sagði: „Baráttan okkar sýndi hversu mikill markaður var fyrir kvennabardagaíþróttir. Hún breytti öllu.“
Ómetanleg áhrif og árekstrar við Hollywood
Þó svo að ferill Gina Carano í MMA hafi verið stuttur, opnaði hann dyrnar fyrir næstu kynslóð bardagakvenna.
Hún var ein sú fyrsta sem fékk reglulega að berjast í aðalbardaga kvöldsins á sjónvarpsstöðvum eins og Showtime, og hjálpaði til við að laða aðdáendur að íþróttinni.
Áður en Ronda Rousey steig inn á sviðið, var það Carano sem hafði komið kvennabargödum á kortið.
Áhrif á MMA:
• Fyrsta kvennabardaginn sem var aðalbardagi á stóru bardagakvöldi í beinni sjónvarpsútsendingu (EliteXC, 2008)
• Opnaði dyrnar fyrir UFC til að samþykkja kvennadeildir
• Var fyrsti „stjarna“ kvenna í MMA – með útliti, hæfni og karisma sem dró að fjölmiðlaumfjöllun
Deilur við Disney taldar orsökin
Carano átti farsælan leiklistarferil eftir MMA, m.a. með hlutverki í The Mandalorian (Star Wars) á Disney+.
Hún var þó síðar rekin eftir að hafa tjáð sig um pólitísk málefni á samfélagsmiðlum, sem margir töldu umdeildt, en aðrir sögðu vera dæmi um tvískinnung í Hollywood gagnvart ólíkum skoðunum.
Fráfall hennar úr Star Wars heiminum vakti mikla umræðu um málfrelsi og pólitískan þrýsting í skemmtanaiðnaðinum en hún hafði sett ‚Bee-Bop‘ þar sem fólk setur venjulega kyn sitt eða kynvitund.
Carano hefur síðan þá talað opinskátt um þá reynslu og vinnur nú að sjálfstæðum verkefnum utan áhrifasviðs stórfyrirtækja eins og Disney, en hún hefur stefnt fyrirtækinu og er málsóknin enn í gangi.
Hvort sem fólk er sammála Dana White eða ekki, þá verður ekki horft framhjá áhrifum Ginu Carano á Bardagaíþróttir kvenna.
Hún ruddi veginn fyrir margar af þeim konum sem nú eru á toppnum í MMA.