Kevin Rodriguez Zavala, 32 ára gamall maður frá Kissimmee í Flórída, lést í vikunni eftir ferð í rússíbananum Stardust Racers í nýjum skemmtigarði Universal, Epic Universe, í Orlando.
Samkvæmt upplýsingum frá NBC News missti Zavala meðvitund meðan á ferð stóð.
Öryggisstarfsmenn garðsins og lögreglumenn brugðust strax við og fluttu hann á sjúkrahús, þar sem hann var úrskurðaður látinn.
Vitni á staðnum lýstu því að Zavala hafi verið blóðugur og slappur, með augljós brot á fæti.
Fyrst var talið að hann hefði fallið úr tækinu, en réttarmeinafræðingur Orange-sýslu staðfesti síðar að hann hefði hlotið ótal högg og mikla áverka án þess að hafa fallið úr sætinu.
Áður greint frá minniháttar atvikum í sama tæki
Stardust Racers er nýjasti og hraðskreiðasti rússíbaninn í Epic Universe sem nær allt að 100 km hraða og fer í gegnum þrönga snúninga og sem valda miklu álagi (G-force).
Í júní greindu tveir farþegar, annar 63 ára, hinn 43 ára, frá dofa og áverka eftir ferð í tækinu.
Fyrsta dauðsfallið í Epic Universe
Þetta er fyrsta dauðsfallið í Epic Universe, sem opnaði fyrr á þessu ári og kostaði um sjö milljarða dollara í byggingu.
Skemmtigarðurinn samanstendur af fimm þemasvæðum, þar á meðal Celestial Park þar sem Stardust Racers er staðsettur.
Tækinu hefur verið lokað á meðan rannsókn fer fram.