Bandaríski „ferðavloggarinn“ Trent Arant, betur þekktur sem Trent the Traveller, eyddi nýverið heilum mánuði á ferðalagi í húsbíl um Ísland.
Trent er einn vinsælasta „ferða-Youtuber“ heims, en þeir flakka um heiminn og taka upp ferðalög sín, en Trent er með rúmlega 1,2 milljónir fylgjenda á Youtube.
Nú hefur hann birt heila seriú myndbanda þar sem hægt er að fylgjast er meðferðalagi hans um allt landið.
Í nýjasta þættinum lýsir hann Íslandi sem einstökum stað og segir að landið komi sér á óvart á hverjum degi.
Hápunkturinn að hans mati er kvöld þar sem hann og vinur hans borða kvöldmat inni í helli á tjaldsvæðinu í Þakgili og „gleypa í sig steik eins og víkingar“.
Mánuður í húsbíl um Ísland
Í upphafi þáttarins kynnir Trent sig sem mann sem býr og ferðast um Ísland í húsbíl í heilan mánuð.
Þátturinn er hluti af heilli seríu þar sem áhorfendur fylgja honum dag frá degi um landið á einum vinsælasta ferðamannatímum ársins.
Hann hvetur áhorfendur til að horfa á fyrstu þættina til að ná utan um „öll brjáluðu ævintýrin“ þar sem mánuðurinn hér á landi verður sífellt ævintýralegri eftir því sem líður á.
Vestmannaeyjar, lundar og eldfjall
Í þessum nýjasta þætti hefst dagurinn í Vík á suðurströndinni en Trent og ferðafélagi hans Jason halda þaðan með ferjunni út í Vestmannaeyjar.
Þar skoða þeir bæinn og rifja upp sögu eldgossins sem lagði stóran hluta bæjarins í rúst árið 1973.
Trent lýsir því hve sérstakt séu að vera á eyju sem hann kallar heimkynni stærstu lundabyggðar í heimi og talar um það sem eitt mögnuðasta fuglaævintýri ferðarinnar.
Norðurljós og kveðjustund við húsbílinn
Síðar um kvöldið fá þeir tilkynningu í síma um að líkur séu á norðurljósum.
Trent heldur út í myrkrið og segir að augnablikið þegar grænar daufar slæður birtast yfir dalnum sé magnaðasta sem hann hef nokkurn tíma upplifað.
Þátturinn endar á því að hann kveður húsbílinn eftir margar vikur á ferð um Ísland og undirbýr sig fyrir skipulagða hópferð um landið með áhorfendum, sem verður næsti kafli í íslenska ævintýrinu hans.
Hægt er að sjá nýjasta þátt Trent hér fyrir neðan en ef þig langar að fylgjast með ferðalagi hans frá byrjun er hægt að smella hér.