Réttarhöld standa nú yfir í Wolverhampton þar sem Deng Majek, hælisleitandi frá Súdan, er ákærður fyrir morð á 27 ára konu, Rhiannon Whyte, sem vann á flóttamannahótelinu þar sem hann dvaldi.
Saksóknarar segja hann hafa elt hana heim af vaktinni og myrt hana með skrúfjárni í „grimmdarlegri og stjórnlausri árás“.
Sást elta hana á öryggismyndavélum
Í réttarhöldunum á þriðjudag var sýnt myndefni úr öryggismyndavélum sem sýnir Majek stara á Rhiannon á meðan hún vann á Park Inn hótelinu í Walsall kvöldið 20. október í fyrra.
Þegar hún lauk vaktinni elti hann hana frá hótelinu, í gegnum bílastæði og að lestarstöðinni Bescot Stadium.
Átta mínútum síðar sást hann á myndavélum ganga frá vettvangi yfir járnbrú og kasta farsíma Rhiannon í ána.
Að sögn saksóknara gekk hann þaðan í verslun, keypti sér drykk ogsneri síðan aftur á hótelið.
„Þegar hann kom til baka sést hann dansa og hlæja, greinilega í góðu skapi vegna þess sem hann hafði gert,“ sagði saksóknarinn, Michelle Heeley.
Stungin 23 sinnum – 11 högg í gegnum höfuðkúpuna
Rhiannon Whyte var stungin 23 sinnum með skrúfjárni, þar af 11 högg sem fóru í gegnum höfuðkúpuna.
Ein stungan skemmdi heilastofninn og varð henni að bana.
Aðrar stungur fundust á brjósti og á handleggjum hennar, sem bentu til þess að hún hefði reynt að verja sig.
Hringdi í vin rétt áður en hún var drepin
Rhiannon hringdi í vin sinn örfáum mínútum áður en ráðist vr á hana.
Hann heyrði tvö öskur áður en símtalið slitnaði.
Skömmu síðar fannst hún alblóðug á lestarstöðvarpallinum.
Engar deilur á vinnustaðnum
Rhiannon hafði unnið á hótelinu í um þrjá mánuði, þar sem hún sá um bæði matseld og ræstingu.
Samstarfsfólk hennar sagði engin vandamál hafa verið milli hennar og íbúa hótelsins.
Blóð Rhiannon fannst á fötum Majeks og DNA hennar undir nöglum hans.
Réttarhöldin standa nú yfir og er búist við að þau standi yfir í þrjár vikur.
Majek neitar sök.
🇬🇧🔴A U.K. jury was shown this CCTV footage on Tuesday during the trial of Deng Majek, a Sudanese asylum seeker accused of stalking and murdering 27-year-old Rhiannon Whyte, who worked behind the bar at the asylum hotel he was staying in.
The jury was told the footage showed… pic.twitter.com/Y2xQbJBRXS
— Remix News & Views (@RMXnews) October 14, 2025