Eftir að Jake Paul sigraði Julio Cesar Chavez Jr. á stigum í Anaheim þann 28. júní 2025, nýtti hann sigurinn til að beina athyglinni að öðru máli en boxi, neyð fyrrverandi andstæðings hans, Ben Askren, sem nú bíður tvöfaldra lungnaskipta.
„Biðjið fyrir Ben Askren og fjölskyldu hans,“ sagði Paul eftir bardagann. „Við verðum öll að styðja hann. Fólk ætti að styrkja hann.“
Árás á tryggingafélög og loforð um aðstoð
Á blaðamannafundi skömmu síðar réðist Paul harkalega á bandaríska tryggingakerfið og sagðist ætla að láta til sín taka:
„Tryggingar eru fokking svindl. Þegar þú þarft á þeim að halda, þá hverfa þær. Það er klikkað. Honum var neitað um tvöföld lungnaskipti af tryggingunum, sem eru ein dýrustu skurðaðgerðir sem til eru, og þess vegna sögðu þeir nei.“
Paul bætti við að enginn virtist bregðast við, hvorki einstaklingar né stofnanir, og að hann sjálfur væri að skoða hvernig hann gæti hjálpað fjárhagslega.
Hann gagnrýndi meðal annars Dana White, forseta UFC, þó að síðar hafi komið í ljós að White deildi styrktarhlek á Instagram til sinna 10,5 milljóna fylgjenda þann 25. júní.
Askren alvarlega veikur
Ben Askren, fyrrum MMA meistari og ólympíukeppandi í glímu, er nú á biðlista eftir lungnaskiptum í Wisconsin-ríki.
Kona hans, Amy Askren, greindi frá því 24. júní að líðan hans væri stöðug en hann gæti ekki talað.
Þegar hann vaknaði hafði hann þó mótað orðið „kaffi“ með vörunum.
Ástandið er afleiðing af alvarlegri lungnabólgu og sýkingu sem krefst aðgerðar sem kostar á bilinu 300 til 400 þúsund bandaríkjadali, eða milli 40 og 50 milljónir íslenskra krón, en tryggingafélag hans hafnaði greiðslu þó svo að aðgerðin sé lífsnauðsynleg fyrir Askren.
Frá andstæðingum til bandamanna
Paul og Askren mættust í hringnum árið 2021, þar sem Paul sigraði með rothöggi eftir aðeins 1:59.
Þeir höfðu átt í opinberum deilum fyrir bardagann, en stuðningur Paul í dag bendir til þess að sá kafli sé nú að baki.
Askren hætti í MMA árið 2019 með glæsilegan feril að baki: 19 sigrar og aðeins 2 töp.
Hann varð bæði Bellator- og ONE-meistari í veltivigt og var tvöfaldur bandarískur meistari í háskólaglímu, auk þess sem hann keppti á Ólympíuleikum 2008.
Í dag þjálfar hann glímu í heimabæ sínum, Hartland í Wisconsin.
Ekki er langt síðan Luigi Mangione myrti forstjóra tryggingafyrirtækis fyrir svipað atvik þar sem fyrirtækið neitaði að greiða fyrir lífsnauðsynlega aðgerð.