Bátur með allt að 140 ólöglegum innflytjendum um borð sigldi óvenjulega langa leið yfir Ermarsund og var fólkið flutt á land í Portsmouth á sunnudag. Koman varð kveikjan að fjölmennum mótmælum sem stóðu fram á nótt, þar sem mótmælendur reyndu að hindra að rútur flyttu fólkið áfram til skráningar.
Lögreglumenn slösuðust lítillega í átökum og ökutæki lögreglu, strandgæslu og bresku landamæragæslunnar voru skemmd. Bresk stjórnvöld fordæmdu framkomu hluta mótmælenda en bæði lögreglustjóri svæðisins og borgarstjórn Portsmouth segja borgina alls ekki í stakk búna til að taka við slíkum fjölda fólks.
🚨 British Patriots are currently BLOCKING Ships Filled With Illegal Migrant Invaders From Making Port in Portsmouth, England
Locals are blocking the coaches that were supposed to haul invaders to a processing center. They’re vowing to stay as long as it takes.
Mass migration… pic.twitter.com/gM61l61zW5
— Benny Johnson (@bennyjohnson) September 6, 2026
Komu frá Normandí í stað Calais
Báturinn lagði af stað frá Normandí, sem er langt vestan við þau svæði sem flestir smábátar hafa komið frá undanfarin ár.
Siglingin til Portsmouth var um 130 kílómetrar. Til samanburðar eru algengustu leiðirnar frá Calais til Kent aðeins um 30 til 65 kílómetrar.
Báturinn var því bæði lengur á sjó og fór um fjölfarnari og hættulegri hluta Ermarsunds en flestir sambærilegir bátar.
Tveir björgunarbátar bresku sjóbjörgunarsveitarinnar RNLI tóku fólkið um borð og fluttu það til hafnar í Portsmouth. Þyrla, flugvél og björgunarsveitir strandgæslunnar tóku einnig þátt í aðgerðinni.
Fyrstu fréttir héldu því fram að um 140 manns hefðu verið um borð. Lögreglumálaráðherra Bretlands sagði síðar að fólkið hefði verið um 120 talsins.
Lo que ha pasado en UK es que todo el mundo se ha dado cuenta de que la invasión está planificada entre la policía francesa y la inglesa. Estaban esperando a los barcos con un despliegue gigante de tiendas de campaña y autobuses de lujo.
Y los ciudadanos de portsmouth se ha…— Jose Muniz (@joseletemuniz) September 6, 2026
Hundruð söfnuðust saman
Fréttir af komu bátsins fóru strax af stað á samfélagsmiðlum og hundruð mótmælenda komu saman við höfnina í Portsmouth.
Sumir voru svartklæddir og með lambhúshettur fyrir andlitinu. Svipuð mótmæli höfðu farið fram í Dover deginum áður þar sem vegum að höfninni var lokað til að hindra för ólöglegra innflytjenda.
Mótmælendur í Portsmouth lokuðu vegum og reyndu að koma í veg fyrir að rútur með ólöglegu innflytjendunum yfirgæfu svæðið. Á myndskeiðum frá vettvangi má sjá lögreglumenn með óeirðaskildi mynda varnarlínu við rúturnar.
Daniel Thomas, betur þekktur sem Danny Tommo, streymdi beint frá vettvangi og hvatti fólk til að koma til Portsmouth. Hann sást meðal annars standa úti í sjó ásamt öðrum mótmælendum meðan lögregla fylgdist með.
Mótmælin stóðu fram undir morgun. Lögregla beitti að lokum heimild til valdbeitingar til að dreifa mannfjöldanum og um 200 manns voru enn á svæðinu þegar aðgerðum lauk um klukkan fjögur.
BREAKING:
The police and anti-migration activists are facing off with each other in the sea near Portsmouth.
After the police started splashing water on the activists, they responded with the same measure. The activists are there to block illegal migrants from being disembarked…
— Visegrád 24 (@visegrad24) September 6, 2026
Lögreglumenn slösuðust og bílar skemmdir
Ástandið varð á köflum mjög spennuþrungið. Hlutum var kastað að lögreglu og til átaka kom þegar reynt var að rjúfa varnarlínu hennar.
Nokkrir lögreglumenn hlutu minniháttar meiðsli og fengu aðhlynningu á vettvangi. Enginn úr hópi lögreglu, annarra viðbragðsaðila eða almennings slasaðist alvarlega.
„Portsmouth og aðrar borgir í Suður Englandi eru ekki í stakk búnar til að taka við þessu fólki og takast á við það, hvorki þegar kemur að löggæslu né skráningu fólks sem kemur ólöglega inn í Bretland,“
Nokkur ökutæki lögreglu, strandgæslunnar og landamæragæslunnar voru skemmd. Meðal annars voru rúður brotnar í lögreglubílum.
Enginn hafði verið handtekinn þegar síðast fréttist, en lögregla hefur hafið rannsókn á mögulegum líkamsárásum gegn lögreglumönnum, eignaspjöllum og öðrum brotum.
Yesterday hundreds of patriots gathered in Dover to declare they are preparing and organising.
Tonight thousands travelled hours across the country to shut down Portsmouth port.
ITS HAPPENING. THE BRITISH ARE FIGHTING BACK. pic.twitter.com/5Ukjk6DHuu
— The British Patriot (@TheBritLad) September 6, 2026
Segir Portsmouth engan veginn undirbúna
Donna Jones, lögreglu- og öryggismálafulltrúi, varaði við því að suðurströnd Englands væri ekki undirbúin ef smyglarar færu að færa brottfararstaði sína vestar eftir frönsku ströndinni.
„Portsmouth og aðrar borgir í Suður Englandi eru ekki í stakk búnar til að taka við þessu fólki og takast á við það, hvorki þegar kemur að löggæslu né skráningu fólks sem kemur ólöglega inn í Bretland,“ sagði Jones.
Hún benti á að strandlengja Suður Englands væri mörg hundruð kílómetra löng. Ef Dover væri ekki lengur helsti áfangastaður bátanna þyrftu stjórnvöld að gjörbreyta viðbúnaði sínum.
Steve Pitt, formaður borgarstjórnar Portsmouth, tók í sama streng og sagði höfnina hafa verið vonlausan stað til að flytja fólkið á land.
Borgarstjórnin hefði ekki verið höfð með í ráðum. Ákvörðunin hefði alfarið verið tekin af landamæragæslunni, strandgæslunni og innanríkisráðuneytinu.
„Það hefði verið hægt að koma í veg fyrir öll þessi mótmæli og átök,“ sagði Pitt. Hann sakaði innanríkisráðuneytið um lélegt skipulag, ósamræmi í ákvörðunum og dómgreindarbrest sem hefði sett fólk í hættu.
Rúturnar komust loks frá Portsmouth snemma á mánudagsmorgun og fluttu ólöglegu innflytjendurna til móttökustöðvar utan Hampshire.
Police attacking lines of protesters in Portsmouth knock down an elderly man!
pic.twitter.com/lBE5XuqIlP— Tommy Robinson 🇬🇧 (@TRobinsonNewEra) September 6, 2026
„Innrásin er komin til Portsmouth“
Suella Braverman, fyrrverandi innanríkisráðherra og nú þingmaður Reform UK, fór til Portsmouth og lýsti yfir fullum stuðningi við íbúa sem væru komnir að þolmörkum.
Hún tók þó skýrt fram að hún styddi hvorki ofbeldi né skemmdarverk og sagðist ekki samþykkja að mótmælendur bæru lambhúshettur.
„Ég stend hundrað prósent með heimamönnum sem eru reiðir og örvæntingarfullir,“ sagði Braverman.
„Innrásin er komin til Portsmouth,“ sagði hún og varaði við því að þetta yrði ekki síðasti báturinn sem kæmi þangað.
Braverman sagði stjórnvöld hafa átt að sjá þróunina fyrir. Þegar viðbúnaður lögreglu væri aukinn við Calais myndu smyglarar einfaldlega færa sig vestar, nota stærri báta og senda fólk í lengri og hættulegri ferðir.
„Þetta er algjört stórslys fyrir ríkisstjórnina og þetta verður að vera vendipunktur. Ef ekki núna, hvenær ætla stjórnvöld þá að taka landamærakreppuna alvarlega?“ sagði hún.