Á sá sem notar karlkyns kynfæri til að nauðga teljast kona? Já, samkvæmt nýlegum dómi. Ef það verður lagalega aðfararhæft getur gerandi farið í kvennafangelsi.
Árið 2016 samþykkti þáverandi ríkisstjórn Íhalds- og Framfaraflokksins lög um kynrænt sjálfræði. Mikill meirihluti var fyrir samþykktinni, aðeins Kristilegir demókratar og Miðflokkurinn greiddu atkvæði á móti.
Nokkrir smellir
Síðan lögin tóku gildi geta allir Norðmenn 16 ára og eldri ,,sem upplifa að þeir tilheyri hinu kyninu“ eins og segir í lagatextanum, verið frjálst að breyta lagalegu kyni sínu. Nokkrir smellir á netinu er nóg.
Ferlinu er lýst eins einföldu og að breyta um farsímaáskrift.
Skráninguna er hægt að framkvæma burtséð frá hvaða kynfæri einstaklingurinn hefur. Ef þú lítur á þig sem konu þá ertu kona samkvæmt norskum lögum og þjóðskránni. Jafnvel þó þú sért með typpi.
Skopstæling
Hvaða afleiðingar hefur það haft að kyn sé gert að tilfinningamáli ekki líffræðilegri staðreynd? Hvað gerist þegar klippt er á milli líffræðinnar og kyns? Þegar ríkið gerir sjálfsauðkenningu að mikilvægasta viðmiðinu til að ákveða hvort einstaklingur sé karl eða kona?
Stundum segja niðurstöðurnar, alger skopstæling. Til dæmis þegar karlkyns nemendur geta breytt löglegu kyni til þess að ná sér í aukastig sem konur til að fá inngöngu í ákveðið nám. Eða að einstaklingur sem er skráður karlmaður fæðir barn.
En öfgafyllsta, alvarlegasta og hörmulegasta afleiðingin af lögum um kynrænt sjálfræði, sem þingmeirihlutinn féll fyrir, var í nýlegum dómi í héraðsdóms Hordalands.
Vanvirðandi
Hér eru þrír sakfelldir fyrir kynferðisbrot gegn stúlku undir lögaldri þegar hún var á aldrinum 12 til 14 ára. Í dómnum eru lýsingar á mjög alvarlegum athöfnum gegn stúlku sem bjó við ömurlegar aðstæður sem gerendur nýttu sér að mati dómstólsins. Hún strauk af heimili í umsjá barnaverndar.
Óvíst er nú hvort hinn dæmdi muni áfrýja og því er dómurinn ekki enn lagalega bindandi.
Þessi 22 blaðsíðna dómur frá héraðsdómi Hordaland er óþægileg lesning. Þar er lýst endurteknum kynmökum og niðurlægjandi kynferðislegum athöfnum gerenda, sem allir eru 20 til 30 árum eldri en fórnarlambið.
Trans konur
Aðalpersónurnar tvær, sem nú hafa verið dæmdar í annars vegar tæplega sex ára fangelsi og hins vegar eins og hálfs árs fangelsi, segjast vera trans konur. Og það er hér sem pólitíska rétthugsunin tekur við sér.
Vegna þess að í inngangi dómsins er minnst á þessa tvo sem ,,skilgreina sig sem konur.“ Héraðsdómarinn Tone Raaen og tveir samdómarar álykta í samræmi við það: ,,Dómstóllinn notar því fornafnið hún.“
Það sem hér fer á eftir hlýtur að vera fáránlegasta fræðirit sem norskur dómstóll hefur gefið út.
Við getum lesið um einn hinna dæmdu að ,,hún“ notaði karlkyns kynfæri sín til að nauðga fórnarlambinu. Um hinn dæmda manninn er því lýst á einum stað í dómnum að gerandi hafi ekki getað framkvæmt samfarir í eitt skipti því ,,hún missti stinningu.“
Já, þú last rétt. Þetta er bein tilvitnun í dóminn.
Maður skammast sín einfaldlega fyrir að hámenntaður norskur héraðsdómari með lögfræðipróf frá Háskólanum í Bergen geti sett nafn sitt undir svona vitleysu.
En þannig er það samt. Það er ætlast til þess að við viðurkennum óskynsamlega og óvísindalega visku í nafni trans umburðarlyndis.
Hættulegt fyrir konur
Og þetta stoppar ekki þar. Þetta verður allt skelfilegra.
Vegna þess að undir lok dómsins er rætt um hvort það geti verið mildandi kringumstæður að þeir tveir séu trans-konur. Verjendurnir héldu fram að það gæti gert afplánunina fyrir þá íþyngjandi.
En á það var ekki hlustað, eins og segir í dómnum: ,,Dómstóllinn vísar til leiðbeininga Fangelsismálastofnunar, þar sem trans konur afplána að jafnaði dóma sína í kvennafangelsum.“
Við teljum að mikill meirihluti norsku þjóðarinnar sjái það sem héraðsdómarinn Tone Raaen sér ekki, eða pólitísk rétttrúnaðarhugsun hennar sé of mikil til að viðurkenna það sem hún sér. Nefnilega að þetta eru tveir karlmenn sem með sínum karlkyns kynfærum hafa framið kynferðisbrotin sem dómurinn lýsir gegn stúlku undir lögaldri.
Trans konurnar mega aldrei afplána í kvennafangelsi.
Ef það gerist fer misskilið trans umburðarlyndi úr því að vera fáránlegt yfir í að verða hættulegt.
Hættulegt fyrir konur.