Sindratorfæran fer fram næsta laugardag 3 maí í Tröllkonugili rétt austan Hellu. frá kl 10 til 16. en þar eru kjör aðstæður fyrir áhorfendur að tilla sér í brekkurnar og fylgjast með þessum 1000 hestafla græjum reyna fyrir sér í sandbrekkum, börðum, fleytingum á ánni og í mýrinni.
29 keppendur eru skráðir til leiks í 2 flokkum.
Nokkrir sem eru að keppa í sinni fyrstu keppni aðrir sem hafa verið með í ára raðir og enn aðrir sem eru að koma til baka eftir mislöng hlé.
Á meðal keppenda er íslandmeistarinn Ingvar Jóhannesson auk 5 annara íslandsmeistara.
Að öðrum ólöstuðum má nefna Gísla Gunnar Jónsson, Snorra Þór Árnason og Þór Þormar Pálsson.
Aldrei fleiri keppendur
Aðeins 6 sinnum í sögu Hellutorfærunnar hafa keppendur verið 29 og yfir og má segja að það séu rúmlega helmingur þeirra sigurstranglegir og allflestir staðið á verðlaunapalli.
Spennan er mikil eins og sést hefur undanfarna daga hjá keppendum
Það eru Flugbjörgunarsveitin á Hellu og Akstursíþróttanefnd Heklu sem standa að keppninni sem hefur verið haldin nær óslitið síðan 1973.
Torfæra er skemmtun fyrir alla fjölskylduna síðustu ár hafa um 5000 þúsund manns verið á svæðinu og allir haft gaman að því að skoða græjurnar og sjá þær svo takast á við brautirnar.
Bein útsending verður frá keppninni á Youtube og Rúv 2 fyrir þá sem ekki komast á staðinn.
Auðvelt að finna á youtube með því að leita eftir Sindratorfæran live.
Allar upplýsingar má finna á facebook viðburðinum Sindratorfæran á Hellu 2025.
Eins er áhugaverður hópur sem heitir torfæruáhugamenn þar er hægt að fylgjast með keppendum í undirbúningnum.
Hér fyrir neðan má sjá helstu tilþrif frá sömu torfæru í fyrra.