Kolbeinn Kristinsson, atvinnumaður í hnefaleikum, segir að honum hafi verið boðið fé fyrir að tapa bardaga viljandi. Kolbeinn var gestur í Bjórkastinu og umræðuefnið var spilling í hnefaleikum og Kolbeinn kom inn á ítök albönsku mafíunnar í íþróttinni.
Segist hafa fengið tvö tilboð
Kolbeinn segir um sé að ræða albanskan hnefaleikakappa sem sé á lista yfir bestu 20 boxara í heiminum en eigi sæti sitt ekki skilið að mati Kolbeins. Hann segir að að sér hafi fyrst verið boðnar 60 þúsund evrur og síðar 80 þúsund evrur fyrir að berjast við ákveðinn boxara og tapa bardaganum.
Spurði hvað myndi gerast ef hann myndi vinna
Kolbeinn segist hafa spurt hvað myndi gerast ef bardaginn færi ekki eins og til stóð og hann myndi „óvart“ rota andstæðing sinn.
„Ég spurði hvað myndi gerast ef ég myndi rota hann. Þá var mér sagt að ég gæti vaknað með fjóra menn inni í herbergi og það væri óvíst ekki hvort ég kæmist heim aftur,“ segir hann.
Buðu Kolbeini háar upphæðir fyrir að taka dýfu
Youtube: https://t.co/x9S2s1lBE9
Spotify: https://t.co/LabmGks0eD@bjarnason_helgi @Sverrirhelga95 @NordicMasc @brotkasttv pic.twitter.com/GC9lVQ6u2Q
— Bjórkastið (@bjorkastid) April 21, 2026
Hér er svo hægt að horfa á allan þáttinn: