34 ára gömul kona, Katie Fox að nafni, lést á sjúkrahúsi eftir að hafa verið stungin í hálsinn í miðborg Birmingham á föstudagskvöld.
Lögreglan í West Midlands staðfesti andlát hennar í dag og segir árásina hafa verið tilefnislausa.
Árásin átti sér stað um klukkan níu um kvöldið skammt frá lestarstöðinni New Street.
Fox var flutt með alvarleg meiðsli á sjúkrahús, þar sem hún lést af sárum sínum.
Ungur maður ákærður fyrir morð og fleiri brot
Djeison Rafael, 21 árs, kom fyrir dóm í Birmingham á mánudag þar sem hann var ákærður fyrir morð á Katie Fox, tvær líkamsárásir, vörslu hnífs og árás á neyðarstarfsmann.
Samkvæmt ákæru hafði hanngerst sekur um tvær aðrar líkamsárásir, sú fyrri átti sér stað þann 27.október og sú seinni 7.nóvember.
Hann er einnig sakaður um að hafa ráðist á lögreglumann daginn eftir morðið.
Þriðja stungumálið í miðborginni á einum mánuði
Árásin átti sér stað aðeins örfáum metrum frá þar sem tvær stungur áttu sér stað í október, þegar tveir 17 ára drengir voru stungnir við Primark verslunina í miðborginni.
Lögreglan hefur aukið gæslu í miðborginni til að tryggja öryggi almennings í kjölfar þessara árása.