Einn af þeim tveimur hermönnum úr bandaríska Þjóðvarðliðinu sem skotnir voru í árás í Washington DC á miðvikudag er látinn.
Forseti Bandaríkjanna, Donald Trump, staðfesti andlátið í fyrstu beinu ræðu sinni eftir árásina.
20 ára og lést af sárum sínum
Hin látna er Sarah Beckstrom, 20 ára frá Vestur-Virginíu.
Hún var skotin ásamt Andrew Wolfe, í því sem yfirvöld kalla fyrirfram skipulagðt launsátur“.
Trump sagði í ávarpi sínu að Wolfe væri nú að berjast fyrir lífi sínu á sjúkrahúsi.
„Sarah Beckstrom frá Vestur-Virginíu, einn af hermönnunum sem um ræðir, mjög virt og ung kona. Hún er látin. Hún er ekki lengur með okkur,“ sagði forsetinn.
Faðirinn vissi að batahorfur dótturinnar væru slæmar
Fyrr sama dag sagði faðir hennar, Gary Beckstrom, í viðtali við New York Times að hann ætti ekki von á að dóttirin lifaði af.
„Ég held í höndina á henni núna,“ sagði hann. „Hún á lítinn sem engan möguleika á bata.“
Árásarmaðurinn í haldi yfirvalda
Yfirvöld hafa staðfest að hinn grunaði árásarmaður sé Rahmanullah Lakanwal, 29 ára afganskur ríkisborgari.
Jeanine Pirro, ríkissaksóknari, staðfesti nafn hins grunaða og sagði rannsókn málsins halda áfram.
Bandarísk yfirvöld hafa jafnframt birt myndband úr eftirlitsmyndavélum sem sýna árásina sjálfa og hafa kallað atburðinn „hryðjuverkastarfsemi“ í fyrstu opinberu yfirlýsingum sínum.
🚨 JUST IN: Video has been released showing the moment an Afghan national attacked National Guard troops in DC
Both soldiers are still fighting for their lives.
Keep them in your prayers on this Thanksgiving night 🙏🏻 pic.twitter.com/qfLCsW2hT5
— Nick Sortor (@nicksortor) November 27, 2025