Nýtt dómsskjöl sem birt voru á föstudag styðja við alvarlegar ásakanir gegn Meta, móðurfyrirtæki Facebook og Instagram.
Saksóknarar halda því fram að Meta hafi dregið úr hættum sem börn og unglingar stóðu frammi fyrir á samfélagsmiðlum og jafnvel gefið rangar upplýsingar til almennings og bandaríska þingsins.
Þetta kemur fram í umfjöllum tímaritsins Time um málið
Meira en 1.800 einstaklingar, foreldrar, skólaumdæmi og ríkissaksóknarar taka þátt í málsókn á hendur fyrirtækinu.
Þeir segja Meta, TikTok, Snapchat og YouTube hafa valið aukna notkun og hagnað fram yfir öryggi barna.
Fyrrverandi öryggisstjóri: 17 tilkynningar áður en reikningi var lokað
Vaishnavi Jayakumar, fyrrum yfirmaður öryggismála á Instagram, segir að sumir aðgangar sem tengdust mansali eða kynferðislegri misnotkun hafi fengið allt að 16 áminningar án þess að þeim væri lokað.
Hún segir að þetta hafi verið mjög óeðlilegt og að Meta hafi ekki sagt neinum frá þessari stefnu.
Meta neitar þessu og segir reikningum lokað strax við grun um misnotkun.
Ásökun: Meta hafi gefið rangar upplýsingar til þingsins
Samkvæmt skjölunum vissi Meta árum saman að mikil notkun Instagram gæti aukið kvíða, þunglyndi og vanlíðan hjá unglingum.
Innri rannsókn sem fyrirtækið gerði árið 2019 sýndi að fólk fann fyrir minni kvíða og depurð eftir viku utan við samfélagsmiðlana.
Þrátt fyrir það sagði Meta við bandarísku öldungadeildina árið 2020 að fyrirtækið hefði „engar upplýsingar“ um að notkun Instagram tengdist vanlíðan hjá unglingum.
Fullorðnir gátu auðveldlega haft samband við börn
Innan Meta var mörgum starfsmönnum ljóst að ókunnugir fullorðnir gátu sent unglingum skilaboð á Instagram.
Öryggisteymi lagði til að unglingareikningar yrði sjálfkrafa lokað, en vöxtur og notkun var látin ganga framar öryggi.
Samkvæmt skjölunum hefði breytingin dregið úr mjög svo óæskilegum samskiptum fullorðinna og unglinga um margar milljónir skilaboða á dag.
Meta innleiddi þessa breytingu ekki fyrr en árið 2024.
Meta markaðssetti þjónustuna fyrir mjög unga notendur
Saksóknarar segja að Meta hafi gert sérstakar áætlanir til að ná til barna og unglinga, jafnvel þeirra sem eru undir 13 ára þrátt fyrir að það sé ólöglegt.
Innri gögn fyrirtækisins sýna að milljónir barna undir aldurstakmarkinu notuðu Instagram.
Starfsmenn Meta líktu þessu við stefnu tóbaksfyrirtækja: „Við verðum að ná þeim ungum.“
Öryggisúrbætur stöðvaðar vegna áhrifa á auglýsingar
Meta hafði prófað að fela „læk“-teljara til að draga úr neikvæðum samanburði og bæta líðan unglinga.
Verkið var stöðvað þegar ljóst var að það gæti haft áhrif á auglýsingatekjur.
Sama á við um breytingar á „förðunar- og fegurðarfilterum“ sem rannsóknir Meta sögðu geta aukið óánægju hjá ungum notendum með útlit sitt.
Þrátt fyrir bann árið 2019 voru þeir settir aftur inn ári síðar.
Meta hafnar ásökunum
Fyrirtækið segir að dómsskjölin noti „tilvitnanir sem teknar eru úr samhengi“ og að Meta hafi á síðustu árum bætt öryggi barna verulega.
Þeir benda á nýja „Teen Accounts“ stillingu sem gerir unglingareikninga sjálfkrafa private og takmarkar samskipti frá utanaðkomandi fullorðnum aðilum.