Þegar Donald Trump ítrekaði það sem allir vita að líffræðilegu kynin eru tvö risu margir upp og mótmæltu. Við fæðingu barns sést í 99.9% tilfella hvort barnið er drengur eða stúlka. Það vefst ekki fyrir neinum.
Á undanförnum áratug hefur hugmyndafræði, ígildi trúarhreyfingar, komið fram á sjónarsviðið og sagt að kynin séu mörg, börnum sé úthlutað kyni, að þau geti skipt um kyn o.s.frv. Engar staðreyndir né vísindi fylgja þessari hugmyndafræði.
Kennarasamband Íslands hefur sett sig upp á móti ákvörðun Trumps um að hnykkja á raunveruleikanum, kynin eru tvö. Af því tilefni vil ég sem meðlimur kennarasambandsins spyrja forystu KÍ eftirfarandi spurninga.
- Hvað eru kynin mörg?
- Hvaða litninga bera þessi kyn, því XX og XY litninga samsetningin er frátekin fyrir karl- og kvenkynið.
- Geta þessi umrædd kyn, umfram karl og konu, fjölgað sér?
- Ef öll þessi kyn geta fjölgað sér hvaða litninga bera afkvæmin?
- Hvers konar afkvæmi geta þessu ólíku kyn af sér (fyrir utan karl og konu sem við þekkjum)?
- Hvar hafa vísindi og staðreyndir sannreynt að kynin séu fleiri en tvö?
- Er það ekki hlutverk kennara sem sérfræðinga að afla sér þekkingar í vísinda og staðreyndarheiminum?
- Hefur líffræðin breyst í tímanna rás og þá á hvern hátt?
- Telur kennaraforystan að hægt sé að breyta líffræðilegu kyni?
Margir kennara eru ósammála kennaraforystunni í þessum málaflokki og því er nauðsynlegt að Magnús Þór Jónsson formaður KÍ svari þessu bréfi þannig að kennarar og almenningur fái á hreint hvað kennaraforystan meinar þegar hún hafnar orðræðu Trumps um tvö kyn.
Virðingarfyllst,
Helga Dögg Sverrisdóttir, M.Sc. M.Ed. B.Ed. og sjúkraliði.