Sextán ára stúlku, Meya Åberg, varr nauðgað á leið heim úr vinnu í Skellefteå í Svíþjóð haustið 2024.
Maðurinn sem réðst á hana, Yazied Mohamed frá Erítreu, var síðar dæmdur í þriggja ára fangelsi, en sleppur við brottvísun.
Dómstóllinn taldi að árásin hefði ekki verið „nógu langvarandi“ til að teljast sérstaklega alvarlegt brot samkvæmt sænskum lögum.
Sá árásarmanninn aftur í skólanum
Árásin átti sér stað 1. september 2024 þegar Meya var á leið heim eftir vakt á McDonald’s og hafði misst af strætó.
Samkvæmt sænska miðlinum Norran elti Mohamed hana inn í göngin og nauðgaði henni þar áður en henni tókst að flýja.
„Ég var algjörlega brotin manneskja,“ sagði Meya í viðtali við Norran.
Eftir árásina var hún heima í nokkra daga, en á fyrsta skóladeginum eftir atvikið sá hún árásarmanninn aftur, standandi við billjarðborð í matsal skólans.
Dómstóllinn hafnaði brottvísun hins vegar með vísan til þess að hann hafi flóttamannastöðu og að brotið teldist ekki „sérstaklega gróft“
„Ég fékk ofsakvíðakast, hljóp út og læsti mig inni á klósetti,“ sagði hún.
Meya lýsir því að hún hafi síðar margoft séð manninn á förnum vegi og jafnvel á vinnustað sínum, sem varð til þess að hún hætti að mæta í skólann.
Dómur og ágreiningur um brottvísun
Mohamed, sem var 18 ára þegar árásin átti sér stað, var upphaflega sýknaður í héraðsdómi vegna skorts á sönnunargögnum.
Hæstiréttur í Norður-Svíþjóð felldi þó annan dóm eftir áfrýjun saksóknara og dæmdi hann í þriggja ára fangelsi fyrir nauðgun.
Hann þarf einnig að greiða Meya Åberg 240 þúsund sænskar krónur í miskabætur.
Saksóknari krafðist þess að Mohamed yrði einnig vísað úr landi, þar sem hann er erítreskur ríkisborgari.
Dómstóllinn hafnaði því hins vegar með vísan til þess að hann hafi flóttamannastöðu og að brotið teldist ekki „sérstaklega gróft“.
„Með hliðsjón af eðli og varanleika brotsins telur dómurinn að það sé alvarlegt, en ekki þess eðlis að réttlæta brottvísun,“ segir í dómi Hovrätten fyrir Norður-Svíþjóð.
Einn dómari ósammála
Nefndarmaðurinn Sammy Lie, sem skipaður er af Svíþjóðardemókrötum (SD), skilaði séráliti og taldi að Mohamed ætti að vera vísað úr landi.
„Að mínu mati er brotið sérstaklega gróft og það myndi stofna almannaöryggi í hættu ef hann fengi að vera áfram í Svíþjóð,“ skrifaði hann í séráliti sínu.
„Hann hefur eyðilagt mig“
Meya hefur síðan gengist undir áfallameðferð og fengið stuðning frá fjölskyldu og vinum.
Hún segir að vonin sé sú að saga hennar hvetji aðra til að stíga fram.
„Ég vil bara segja að ég hata hann og að hann hefur eyðilagt mig,“ sagði hún í viðtali við Norran.