Hinn heimsfrægi sjómannsmeistari, Devon Larratt, fékk bæði mikinn hlátur og vakti einnig upp mikla umræðu um helgina þegar hann mætti í kvennaflokk sjómanns keppni klæddur í kvenmannsföt og sagðist „skilgreina sig sem konu.“
Með útliti sem sagt var minna á kvikmyndapersónuna Mrs. Doubtfire, vildi Larratt sýna með kaldhæðnislegu uppátæki hversu undarleg stefna sumra íþróttasambanda getur orðið.
Leikur sér að sterkustu mönnum heims
Larratt, sem er þekktur fyrir yfirburði sína í íþróttinni og hefur leikið sér að því að leggja sterkustu menn heims í sjómann.
Þeirra á meðal eru bæði Brian Shaw og Hafþór Júlíus en þeir fengu báðir lexíu í íþróttinni hjá goðsögninni sem lagði þá báða hlæjandi.
Mætti uppklæddur sem kona
Lavratt nálgaðist skipuleggjendur keppninnar og sagði: „Ég er hér til að keppa í kvennaflokki. Ég er kona,“ án þess þó að breyta rödd sinni eða hegðun.
„Ég vil komast að strax,“ sagði hann á meðan áhorfendur hlógu og fylgdust með.
Skipuleggjendur virtust taka uppátækinu með kímni og leyfðu honum að keppa stuttlega við kvenkyns keppanda.
Í áhorfendahópnum mátti heyra athugasemd eins stuðningsmanns: „Þið börðust fyrir þessu. Þetta er það sem þið börðust fyrir,“ sem undirstrikaði félagslega gagnrýnina á atburðinn.
Tapaði vísvitandi
Larratt er þekktur fyrir íþróttamannslega hegðun og er mjög vel liðinn í bransanum og úrslitin komu nokkuð á óvart.
Larratt tapaði vísvitandi og lýsti strax yfir: „Ég er hættur í þessum flokki,“ og gerði þannig ljóst að hann hafði aldrei ætlað sér að keppa alvarlega í kvennaflokki og taka verðlaun frá konunum sem þar kepptu heldur vekja athygli á málaflokknum.
Uppátækið hefur vakið mikla athygli á samfélagsmiðlum, þar sem flestir virðast taka því með húmor og telja það vel heppnaða ádeilu.
Umsagnir á borð við „Devon er snillingur“ og „Ef þú getur ekki hlegið að þessu, þá ert þú vandamálið“ mátti finna víða á netinu.
Annar handleggurinn mun stærri en hinn
Larratt, sem er þekktur fyrir ójafnvægi í líkamsbyggingu vegna sérhæfðar æfingar (meiri áhersla á samkeppnisarm), hefur ekki aðeins öðlast frægð fyrir afrek sín heldur einnig fyrir persónutöfra og kjark til að tjá sig um umdeild málefni í íþróttaheiminum.
Meðan viðbrögð við atburðinum kunna að vera mismunandi eftir sjónarmiðum fólks til stefnu um kynvitund í íþróttum, má segja að Larratt hafi með húmor og ádeilu opnað á mikilvæga umræðu sem víða geisar í íþróttasamfélögum heimsins.
Larratt hefur áður keppt við konu í sjómann en það var við þáverandi heimsmeistara í kvennaflokki.
Það einvígi endaði einnig með því að Larratt gafst upp fyrir mótherja sínum á skemmtilegri uppákomu, en Larratt hefur stært sig af því að leika sér að leggja sterkustu menn heims í sjómann en segist aldrei hafa sigrað konu.
Hér fyrir neðan má hins vegar finna myndbandið af Larratt á mótinu þar sem hann klæddist kvenmannsfötum.