Snorri Másson: „Viljum við ekki geta farið inn á sjúkrahús og hitt fólk sem talar íslensku?“

Snorri Másson, þingmaður Miðflokksins, vekur athygli á vaxandi notkun ensku í íslenska heilbrigðiskerfinu og skort á skýrum kröfum til starfsfólks um íslenskukunnáttu.

Í færslu á samfélagsmiðlinum X segir hann það sjálfsagt réttlætismál að landsmenn fái þjónustu á eigin móðurmáli.

„Íslendingar eru einstaklega heppnir með það aðdáunarverða fagfólk sem starfar á sjúkrahúsum landsins árið um kring. Þar er það öllum í hag að hafa skýrar línur í starfseminni, eins og að krafa sé gerð um íslenskukunnáttu í samskiptum við sjúklinga,“ skrifar Snorri.

Hann gagnrýnir stjórnvöld fyrir að hafa „sofnað á verðinum“ í málinu og bendir á að sú staða að fólk þurfi að fá læknisþjónustu á erlendu tungumáli sé ekki eðlilegt í íslensku velferðarkerfi.

Tillit tekið til orða formanns hjúkrunarfræðinga

Færslan hans Snorra kom í kjölfar greinargerðar nýkjörins formanns Félags íslenskra hjúkrunarfræðinga í Morgunblaðinu, þar sem krafist er þess að íslenskukunnátta verði gerð að skilyrði fyrir starfsleyfi hjúkrunarfræðinga.

Þar er lögð áhersla á mikilvægi tungumálsins í traustu meðferðarsambandi.

Snorri tekur undir áhyggjur formannsins og ítrekar spurningu sem hann segir eiga ekki að þurfa að spyrja:
„Viljum við ekki geta farið inn á sjúkrahús og hitt fólk sem talar íslensku?“

Aukinn þrýstingur á stjórnvöld

Notkun ensku í heilbrigðisþjónustu hefur aukist samhliða fjölgun erlends starfsfólks og vaxandi innflytjendastraumi.

Með því hafa einnig aukist áhyggjur af aðgengi almennings að skiljanlegri og öruggri þjónustu.

Snorri kallar eftir viðbrögðum stjórnvalda:
„Þetta er ekki flókið. Opinber þjónusta á Íslandi á að vera á íslensku. Það er ekkert afturhald við það, heldur einfalt virðingaratriði gagnvart þjóðinni sjálfri.“

Íslendingar eru einstaklega heppnir með það aðdáunarverða fagfólk sem starfar á sjúkrahúsum landsins árið um kring. Þar er það öllum í hag að hafa skýrar línur í starfseminni, eins og að krafa sé gerð um íslenskukunnáttu í samskiptum við sjúklinga.

Á þessu sviði sem öðrum hafa… pic.twitter.com/VltVIXdeUs

— Snorri Másson (@5norri) May 19, 2025