Brynjar Níelsson segir að Snorri Másson fái nú sömu viðbrögð og hann sjálfur hafi áður fengið, einfaldlega vegna þess að hann segi hlutina beint út.
Byrnjar sagði þetta í hlaðvarpsþættinum Ein pæling, þar sem Brynjar og Þórarinn Hjartarson ræða pólitít, viðbrögð við skoðunum og vaxandi óþol í samfélaginu.
„Hann segir þetta bara eins og þetta er“
Í samtalinu segir Brynjar að Snorri Másson fari í taugarnar á fólki vegna þess að hann setji stefnumál sín skýrt fram.
Að hans mati séu viðbrögðin ekki ný af nálinni, heldur kunnugleg þeim sem hafi áður tekið óvinsælar eða umdeildar afstöður í opinberri umræðu.
Þórarinn bendir á að aldur Snorra skipti einnig máli og að sumir telji hann einfaldlega ekki eiga að vera á þessum skoðunum vegna þess hversu ungur hann er.
Reiði og andúð kraumi undir yfirborðinu
Brynjar lýsir því svo hvernig hann upplifi reiði og finni andúð krauma þegar hann hlusti á umræðu í samfélaginu.
Hann segir að Snorri sé gjarnan settur í ákveðinn flokk og sakaður um öfgar, án þess að raunveruleg umræða eigi sér stað um þau málefni sem hann setur fram.
Í því samhengi hafnar Brynjar ásökunum um yfirburðahyggju og kallar slíkt algjört þvælu, þar sem fólk spyrji sig aldrei hvaðan reiðin komi í raun.
Skýringin á fylgisaukningu
Að mati Brynjars sé raunveruleg eftirspurn í samfélaginu eftir því að stjórnmálamenn segi hlutina einfaldlega eins og þeir eru og nálgist vandamál af raunsæi.
Hann segir að dyggðaskreytingar skili litlu og að fólk vilji frekar heiðarlega greiningu á stöðunni.
Hann telur að þessi nálgun útskýri að hluta hvers vegna fylgi Miðflokksins sé á uppleið, þar sem kjósendur finni þar skýrari skilaboð og beinskeyttari umræðu en víða annars staðar.