Hvíta húsið kynnti nýlega umfangsmikið innflytjendafrumvarp undir heitinu The One Big Beautiful Bill, sem miðar að því að tryggja „varanlega landamæravernd“ og gera yfirvöldum kleift að „taka almennilega á“ ólöglegum innflytjendum í áður óþekktum mæli.
Samkvæmt yfirlýsingu frá Hvíta húsinu felur frumvarpið í sér:
• Fjármögnun fyrir að minnsta kosti 1 milljón brottvísunum árlega
• Ráðningu 10.000 nýrra ICE-fulltrúa
• Stækkun á varðhaldsrýmum fyrir allt að 100.000 manns í senn
• Skattlagningu á peninga sem ólöglegir innflytjendur senda úr landi
• Útilokun ólöglegra innflytjenda frá matarkortum og Medicaid heilbrigðisþjónustu
Alþjóðlegt fordæmi
Í skýrslu dómsmálanefndar fulltrúadeildarinnar segir að frumvarpið geri ICE kleift að hrinda af stað umfangsmestu brottvísanaraðgerðum í sögu Bandaríkjanna.
Meðal annars er gert ráð fyrir mikilli fjárveitingu til Customs and Border Protection (CBP) og áframhaldandi uppbyggingu landamæraveggsins.
Talsmaður samtakanna NumbersUSA, sem berjast fyrir takmörkun innflytjenda, sagði í yfirlýsingu:
„Í áratugi hefur þingið lofað að tryggja landamærin en aldrei staðið við það. Þetta frumvarp stendur við loforðið.“
Stjórnarandstaðan viðurkennir áhrifin
Þrátt fyrir mikla mótstöðu hafa jafnvel andstæðingar Trump viðurkennt að frumvarpið muni „gera ICE kleift að hrinda í framkvæmd fjöldabrottvísunum á skala sem aldrei hefur sést áður í bandarískri sögu.“
Forsetinn tjáir sig
Donald Trump hefur sjálfur sagt frumvarpið vera „fallegasta, stærsta og árangursríkasta aðgerð í innflytjendamálum í sögu landsins“ og sagði í ræðu:
„Big Beautiful Bill mun leiða til Big Beautiful Deportations.“
Frumvarpið mun fara í gegnum meðferð þingsins á næstu vikum og er þegar talið hafa stuðning meirihluta í fulltrúadeildinni.
Demókratar í öldungadeildinni hafa þó hótað málþófi til að koma í veg fyrir að frumvaepið nái að ganga í gegn.