Úrslitaleikurinn í Ultimate Pool Women’s Pro Series Event 2 sem fram fór þann 6. apríl í Wigan í Bretlandi, mun heldur betur rata í sögubækurnar en í honum kepptu tveir líffræðilegir karlmenn um kvennatitilinn.
Fréttaveitan Reduxx greinir frá því að Harriet Haynes og Lucy Smith, báðir karlmenn sem skilgreina sig sem konur, hafi sigrað alla kvenkyns keppendur og tryggt sér sæti í úrslitum.
Ólíkur ferill
Harriet Haynes er þekktur trans keppandi í billjard og hefur unnið til fjölda titla, þar á meðal heimsmeistaratitil, Evrópumeistaratitla og parakeppnir.
Haynes, sem hóf kynleiðréttingarferli árið 2014, hefur vakið mikla athygli fyrir þátttöku sína í kvennagreinum, og sérstaklega þegar andstæðingur hans, Lynne Pinches, yfirgaf úrslitaleik árið 2023 í mótmælaskyni við þátttöku transkvenna í kvennaíþróttum.
Haynes er jafnframt í lagalegu stríði við English Blackball Pool Federation vegna ákvörðunar þeirra árið 2023 að takmarka þátttöku í kvennaflokki við einstaklinga sem eru líffræðilega kvenkyns.
Mál hans verður tekið fyrir í apríl 2025. Hann heldur því fram að í íþrótt eins og billjard séu engin haldbær vísindaleg gögn sem sýni yfirburði transkvenna.
Lucy Smith, sem einnig skilgreinir sig sem kona, hefur vakið athygli í sömu mótaröðum, meðal annars innan Ultimate Pool og World Eightball Pool Federation.
Smith náði góðum árangri árið 2024 og sigraði m.a. í kvennaviðburði í nóvember það ár.
Þann 6. apríl 2025 tryggði Smith sér sæti í úrslitum í Wigan eftir að hafa sigrast á öllum kvenkyns keppendum, líkt og Haynes.
Engin kona á topp 100 listanum
Þetta hefur endurvakið umræðuna um réttmæti og sanngirni transkvenna í kvennaíþróttum.
Þess ber þó að geta að engin kona er á lista yfir topp 100 bestu pool spilara heims en þó eru sex konur í mismunandi sætum milli 115 og 300 bestu spilara í heimi.
Ólíkt Haynes hefur Smith haldið lægra samfélagslegu og lagalegu prófíl og upplýsingar um hans fyrri feril eru af skornum skammti.
Harriet Haynes sigraði Lucy Smith 6-5.
Piers Morgan trylltur
Fjölmiðlamaðurinn heimsfrægi, Piers Morgan, setti inn færslu í tilefni leiksins þar sem hann sagðist ekki skilja hvernig nokkur gæti stutt svindl af þessu tagi.
Þegar hann var spurður hvaða yfirburði karlar hefðu framyfir konur í íþrótt eins og pool svaraði Morgan því einfaldlega að það sæist ef karlar og konur þyrftu að keppa hvort við annað.
Preposterous. Why anyone supports this cheating bullsh*t is utterly beyond me. https://t.co/8V4Cqts7wz
— Piers Morgan (@piersmorgan) April 6, 2025