Lovísa Thompson, 15 ára skytta Gróttu í handbolta, tryggði liðinu sigur og þar með Íslandsmeistaratitil með mögnuðu marki á lokasekúndunum í fjórða úrslitaleiknum við Stjörnuna í gær.
Grótta hafði yfir í einvígi liðanna, 2-1 fyrir leikinn og gat því með sigri tryggt sér fyrsta Íslandsmeistaratitilinn í meistaraflokki.
19 sekúndur voru eftir af leiknum og staðan 23-23 þegar Kári Garðarsson þjálfari Gróttu tók leikhlé.
Þjálfari Gróttu lagði mikla áherslu á að þær fengu eitt tækifæri.
Þessir voru spenntir.
Grótta hóf lokasóknina á að missa næstum því boltann. Smá stress í gangi.
Eftir nokkrar sendingar var tíminn að renna út. Hin 15 ára gamla Lovísa Thompson tók af skarið, negldi boltanum í netið og gerði Gróttu að Íslandsmeistara.
Og gleðin var ósvikin.
