Röðin í sérstakt pepppartí á Húrra Druslugöngunnar teygði sig yfir á Hafnarstræti fyrr í kvöld. Dj flugvél og geimskip, Vaginaboys, Sturla Atlas og dj Sunna Ben koma fram í partíinu sem stendur ennþá yfir og stemningin er frábær.
Druslur eiga miðbæinn í kvöld. 40 metra röð fyrir utan Húrra. Vel gert @druslugangan #druslugangan pic.twitter.com/sJhcmfACaW
— Gunnar Dofri (@gunnardofri) July 22, 2015
Hægt er að kaupa ýmsan varning, svo sem boli og derhúfur til að styrkja Druslugönguna sem leggur af stað frá Hallgrímskirkju, niður Skólavörðustíg klukkan 14 á laugardaginn.
Sjá einnig: Borgarstjóri, plötusnúður, þingmaður og rappari styðja Druslugönguna
Druslugangan er orðin að föstum punkti í íslensku samfélagi þar sem að samfélagið rís upp gegn kynferðisofbeldi og stendur með þolendum – gegn gerendum.
Druslugangan leggur höfuðáherslu á að færa ábyrgð kynferðisglæpa frá þolendum yfir á gerendur.
„Það er alltof oft þannig að einblínt er á klæðnað, hegðun eða fas þolenda sem afsökun fyrir kynferðisglæpi. Það er ekki til nein afsökun,“ segir í viðburðinum á Facebook.
Fylgstu með undirbúningi Druslugöngunnar á Instagram.