Hráefni:
- 3 dl sjóðandi vatn
- 180 gr dökkt súkkulaði, saxað
- 2 1/2 dl kakó
- 5 dl hveiti
- 2 tsk matarsódi
- ¼ tsk salt
- 300 gr mjúkt smjör
- 3 dl púðursykur
- 4 egg við stofuhita
- 2 tsk vanilludropar
Krem:
- 300 gr mjúkt smjör
- 1 pakkning flórsykur
- 2 1/2 dl kakó
- 2 tsk vanilludropar
- 1/2 dl mjólk
- saxað súkkulaði á toppinn á kökunni (má sleppa)
Aðferð:
1. Hitið ofninn í 180 gráður og takið til 2 x 20 cm smelluform.
2. Hellið heita vatninu yfir súkkulaðið í skál. Bætið kakó saman við og hrærið vel á meðan súkkulaðið bráðnar þar til blandan er orðin silkimjúk. Leggið til hliðar og leyfið þessu að kólna.
3. Þeytið smjörið og púðursykurinn saman. Bætið síðan einu eggi í einu saman við, hafið hrærivélin á lágri stillingu á meðan. Setjið vanilludropa saman við.
4. Bætið nú þurrefnunum útí ásamt helmingnum af súkkulaðiblöndunni. Þeytið á lágri stillingu í um 1-2 mín. Bætið þá afgangnum af súkkulaðiblöndunni og hrærið áfram stutta stund. Skiptið deiginu í formin og bakið í um 25-30 mín. Kælið í 15 mín og takið botnana úr formunum.
5. Kremið: Þeytið smjörið aðeins áður en flórsykri og kakó er bætt saman við í pörtum. Þá næst fara vanilludroparnir útí. Bætið mjólk saman við og hrærið áfram þar til kremið er klárt. Bætið við mjólk ef þörf er á. Smyrjið kremi á milli botnanna og svo er öll kakan þakin kremi. Skreytið með söxuðu súkkulaði.