Hráefni:
- 3 msk saxaður hvítlaukur
- 1/2 dl ólívuolía
- 1/4 tsk chilli flögur
- 1/2 tsk svartur pipar
- 2 dl rjómi
- 1/2 – 1 dl sítrónusafi ( eftir smekk)
- 1 msk rifinn sítrónubörkur
- 2 dl parmesan ostur
- fersk steinselja til skrauts
- 1 pakki spaghetti:
Aðferð:
1. Sjóðið spaghetti eftir leiðbeiningum á pakkningu.
2. Steikið hvítlaukinn upp úr olíu á pönnu í um 1 mín. Bætið þá chilliflögum og svörtum pipar á pönnuna og steikið áfram í 1 mín. Hellið þá rjómanum saman við ásamt sítrónuberkinum. Hrærið reglulega í sósunni og leyfið henni að malla þar til hún fer að þykkna.
3. Slökkvið undir pönnunni, hellið sítrónusafanum saman við og blandið vel. Hellið spaghetti yfir í sósuna ásamt parmesanostinum og allt blandað vel saman. Berið fram með extra parmesan og saxaðri steinselju.